O lobo anterior ou lóbulo anterior é un dos tres lobos do cerebelo. Sitúase por diante da fisura prima e abrangue parte da cara anterior e parte da cara superior.[1] Subdivídese en:
Língula, que é a porción máis anterior do vermis e se une ao veo medular superior.
Lobuliño central, que se sitúa xusto por encima da língula e se prolonga a ambos os lados mediante as ás do lobuliño central. A fisura que o separa da língula recibe o nome de fisura precentral.
Culmen, que é a porción máis cranial de todo o vermis e se asocia lateralmente coa porción anterior dos lobuliños cuadrangulares. A fisura que o separa do lobuliño central denomínase poscentral.
