Los Solidarios
O grupo Los Solidarios, tamén coñecido como Crisol, foi un grupo de acción armada formado entre 1922 e 1923 en Barcelona como resposta á guerra sucia emprendida por sectores patronais e gobernamentais contra os sindicatos.
Xordeu como sucesor dun grupo anterior chamado "Los Justicieros" creado en Zaragoza.
Integrado por anarcosindicalistas, montaron unha rede para a compra e depósito de armas coas que se atentaba contra elementos do Sindicato Libre patronal. Atribúenselles atracos a bancos como o do Banco de España (setembro de 1923) ou o asasinato do cardeal zaragozano Juan Soldevila y Romero (1923). Despois deste feito e coa presión da ditadura de Primo de Rivera, Durruti, Ascaso e outros membros fuxiron a Francia primeiro e a América Latina despois, onde se lles imputan máis atracos. Volveron a Europa establecéndose en Francia, onde viviron clandestinamente despois de seren acusados de intentar asasinar o rei Afonso XIII nunha visita a París. Expulsados finalmente dese país, establecéronse en Bélxica, onde lles foi permitida a residencia. Coa proclamación da República (1931) algúns dos membros que puideron volver a Cataluña deciden ingresar na Federación Anarquista Ibérica co nome de "Nosotros", aínda que con posicións máis radicais que as da federación. Ó declararse a guerra civil española o grupo deixou de actuar como tal.
Consérvase unha gravación sonora dun discurso de Joan García Oliver [1] cualificando ós membros do grupo, incluíndose el mesmo, como os mellores terroristas da clase traballadora, os que mellor podían devolver golpe por golpe o terrorismo branco contra o proletariado como os asasinatos de Salvador Seguí ou Francesc Layret por parte da patronal.[2]
Integrantes
[editar | editar a fonte]Formaron parte, entre outros:
- Francisco Ascaso, camareiro
- Ramona Berni, obreira do téxtil
- Eusebi Brau, ferreiro
- Manuel Campos, carpinteiro
- Buenaventura Durruti, mecánico
- Aurelio Fernández Sánchez, mecánico
- Joan García Oliver, camareiro
- Miguel García Vivancos, estibador, pintor e chófer
- Gregorio Jover Cortés, carpinteiro
- Júlia López Mainar, cociñeira
- Antonio Martín Escudero
- Alfonso Miguel, ebanista
- Pepita Not, cociñeira
- Antonio Ortiz Ramírez, carpinteiro
- Ricardo Sanz García, obreiro téxtil
- Gregorio Suberviela, maquinista
- María Luisa Tejedor, modista
- Manuel Torres Escartín, forneiro
- Rafael Torres Escartín
- Antonio El Toto, xornaleiro
Canción Homenaje a Los Solidarios
Historia de tres amigos/De la dulce libertad:/ Si se hicieron anarquistas,/ No fue por casualidad./
Buenaventura Durruti/ Ascaso y García Oliver/ Llamados Los Solidarios/ Que desprecian al Poder/
Buscados y perseguidos/ Por el campo y la ciudad,/ Si acabaron en la cárcel,/ No fue por casualidad./
Buenaventura Durruti/ Ascaso y García Oliver:/ Tres hojas de trébol negro/ Contra el viento del Poder./
Siguiendo con su costumbre/ De burlar la Autoridad,/ Si cruzaron la frontera/ No fue por casualidad./
Buenaventura Durruti/ Ascaso y García Oliver:/ La negra sombra del Pueblo/ Contra el brillo del Poder./
Después de una temporada,/ Se volvieron para acá,/ Si temblaron los burgueses/ No fue por casualidad./
Buenaventura Durruti/ Ascaso y García Oliver:/ Tres balas negras de plomo/
Apuntando hacia el Poder/Canción de Chicho Sánchez Ferlosio en lembranza de "Los Solidarios" [3]
Notas
[editar | editar a fonte]Bibliografía
[editar | editar a fonte]Abel Paz, Durruti, le peuple en armes. París, Tête de Feuille, 1972
