CB Lucentum Alicante

	Lucentum Alicante
Información xeral
Fundación	1994
Desaparición	2015
Cores	Branco, azul
Localización
Cidade	Alacant, España
Pavillón	Pabellón Pedro Ferrándiz
Capacidade	5 425
Inauguración	1993
Campionatos
Liga LEB	2 (2000, 2002)
Copa Príncipe	2 (2002, 2009)

Para o actual equipo da Liga LEB, véxase Fundación Lucentum Baloncesto.

O Club Baloncesto Lucentum Alicante foi un club de baloncesto español con sede na cidade de Alacant, Comunidade Valenciana. Fundado en 1994, militou durante nove temporadas na Liga ACB, máxima categoría do baloncesto español. Desapareceu en agosto de 2015 por problemas financeiros, cedendo a súa praza na Liga LEB Prata á Fundación Lucentum Baloncesto, club creado dous meses antes coa intención de salvar o baloncesto profesional na cidade.^[1]

Traxectoria

O 31 de maio de 1994 un grupo de persoas vinculadas ao baloncesto alacantino, basicamente a través do Club de Baloncesto Miguel Hernández, deciden crear un novo club coa denominación de Club Baloncesto Lucentum Alicante. O 25 de xullo de 1994 acepta a invitación para competir na Liga EBA. Na primeira tempada o proxecto recibiu o soporte económico da empresa "Ernesto Electrodomésticos". NA súa primeira temporada, o club superou os obxectivos deportivos marcados inicialmente, chegando á semifinal para o ascenso á liga ACB. O soño non se puido facer realidade, xa que no último segundo perdeu por un punto fronte ao Gijón Baloncesto, que ascendeu á ACB.

Ao longo de 1996 a Federación Española de Baloncesto reestruturou as categorías coa creación da Liga Española de Baloncesto (LEB), á cal se accedía por palmarés deportivo e por convite entre os equipos que o solicitaban e superaban unha auditoría sobre a súa situación económica. O Lucentum Alicante solicitou a súa inclusión e, despois de cumprir todos os requirimentos, foi admitido como equipo LEB, sendo o único representante da Comunidade Valenciana desta categoría. As boas campañas realizadas na LEB culminaron na temporada 1999−00 co liderado na clasificación e o ascenso á ACB. Na súa primeira etapa na máxima categoría, as limitacións económicas e deportivas marcaron o equipo, que non puido evitar o descenso á LEB.

Na temporada 2001−02 prodúcese unha mudanza importante na traxectoria do club. Un novo grupo de persoas, encabezadas por Luis Castillo, inicia un novo proxecto que decontado comeza a dar os seus froitos: conséguese a Copa Príncipe de Asturias de Baloncesto, o campionato da LEB e o retorno á ACB. O novo proxecto conseguiu atraer o interese da cidade de Alacant, dos medios de comunicación e da sociedade alacantina. Desde a tempada do ascenso, o Lucentum atinxiu dúas clasificacións para os playoffs polo título, coa súa correspondente clasificación para as competicións europeas, e a histórica participación na Copa do Rei de Zaragoza en 2004. Con todo, na tempada 2006−07 o Lucentum descende á liga LEB, dimitindo o seu presidente e ocupando o seu lugar Miguel Cano. Pouco tempo despois, na temporada 2008−09, o club regresa á máxima categoría, onde permance até a temporada 2011−12 co descenso á Liga LEB Ouro. Debido a dificultades económicas o club desparece en agosto de 2015, cedendo a súa praza na Liga LEB Prata á Fundación Lucentum Baloncesto, club creado dous meses antes coa intención de salvar o baloncesto profesional na cidade.^[1]

Patrocinios

Alén de Lucentum Alicante, o club tivo outro nomes ao longo da súa historia por motivos de patrocinio:

Ernesto Electrodomésticos (1994–1996)
Proaguas Costablanca (2000–2001)
Etosa Alicante (2002–2007)
Alicante Costablanca (2007–2008)
Meridiano Alicante (2009–2011)

Xogadores

Destacados

Adestradores

Os seguintes son os adestradores do Lucentum Alicante en ACB.

Andreu Casadevall (2000−2001)
José Luis Oliete (2001)
Julio Lamas (2002−2003)
Luis Casimiro (2003)
Alfredo García (2003)
Trifón Poch (2003−2007)
Oscar Quintana (2009−2010)
Txus Vidorreta (2010−2012)

Palmarés

Liga LEB

Campións (2): 2000, 2002
Subcampións (2): 2009, 2013

Copa Princesa de Asturias

Campións (2): 2002, 2009
Subcampións (1): 2008

Lliga Valenciana

Campións (3): 2004, 2006, 2011
Subcampións (4): 2005, 2008, 2009, 2010

Historial

Ano	Nivel	Liga	Pos.	V–D	Copa do Rei	Outras copas		Competicións europeas
1994–95	2	EBA	4º	24–14
1995–96	2	EBA	11º	15–20
1996–97	2	LEB	8º	19–16
1997–98	2	LEB	7º	15–17
1998–99	2	LEB	11º	12–19		Copa Príncipe	CF
1999–00	2	LEB	1º	30–12		Copa Príncipe	CF
2000–01	1	ACB	17º	9–25
2001–02	2	LEB	1º	27–1–12		Copa Príncipe	1º
2002–03	1	ACB	8º	19–19
2003–04	1	ACB	14º	14–20				2 Copa ULEB	TR	3–7
2004–05	1	ACB	6º	25–14	Cuartos de final
2005–06	1	ACB	12º	14–20				2 Copa ULEB	OF	6–6
2006–07	1	ACB	17º	12–22
2007–08	2	LEB Ouro	4º	26–12		Copa Príncipe	2º
2008–09	2	LEB Ouro	2º	29–10		Copa Príncipe	1º
2009–10	1	ACB	15º	13–21
2010–11	1	ACB	16º	9–25
2011–12	1	ACB	8º	18–18	Cuartos de final
2012–13	2	LEB Ouro	2º	27–11
2013–14	5	1ª Div.	1º	27–1
2014–15	3	LEB Prata	5º	22–14

Notas

↑ ^1,0 ^1,1 "La Fundación Lucentum toma el relevo del CB Lucentum" (en castelán). Dario Información. 5 de agosto de 2015.

Véxase tamén

Ligazóns externas

Lucentum Alicante en ACB.com

[di-1] 1,0 ^1,1 "La Fundación Lucentum toma el relevo del CB Lucentum" (en castelán). Dario Información. 5 de agosto de 2015.

[1]