Luigi Boccherini

Luigi Boccherini
	;
Biografía
Nacemento	19 de febreiro de 1743 ; Lucca, Italia
Morte	28 de maio de 1805 (62 anos); Madrid, España
Causa da morte	tuberculose
Actividade
Ocupación	violoncellista, compositor
Período de actividade	1756 -
Xénero artístico	Música clásica
Profesores	Giovanni Battista Costanzi (en)
Instrumento	Violoncello
Obra
	Obras destacables Quinteto de Cordas em Mi Maior, Op. 11, nº 5 (Boccherini) (pt) ; Symphony Op. 12 No. 4 (Boccherini) (en) ;
Arquivos en	Bibliothèque-musée de l'Opéra (en) ;
Familia
Irmáns	Giovanni Gastone Boccherini
	Sinatura
Descrito pola fonte	Nordisk familjebok; Grande Enciclopedia Soviética 1969-1978, (sec:Боккерини Луиджи); Dicionario Musical Riemann (1901–1904)

Luigi Boccherini, nado en Lucca o 19 de febreiro de 1743 e finado en Madrid o 28 de maio de 1805, foi un compositor e violoncellista italiano.

Traxectoria

Naceu no seo dunha familia de artistas. O seu pai foi violoncellista e a súa irmá bailarina de ballet. O seu irmán foi escritor e poeta de certo prestixio, que chegou a escribir libretos para Antonio Salieri e Joseph Haydn. Boccherini seguiu os pasos do seu pai e interesouse polo violoncello, dando o seu primeiro recital á temperá idade de trece anos. En 1757, logo de terminar os seus estudos en San Pedro en Roma, acompañou ao seu pai para obter unha praza na corte imperial de Viena, e non volveu a Lucca ata 1764.

Boccherini viviu posteriormente case un ano en París, e trasladouse seguidamente a Madrid, onde gozou do mecenado de Don Luís, irmán do rei. Cara a 1770 empezou a compoñer o primeiro dos seus quintetos para corda, unha forma coa que foi amplamente relacionado. Trala morte de Don Luís en 1785, foi nomeado compositor da corte de Frederico Guillerme II de Prusia. O monarca, que tocaba ben o violoncello, tivo en moi alta estima a Boccherini. Recibiu numerosos encargos e os anos en Prusia foron uns dos máis frutíferos na súa vida. Co permiso de Guillermo, Boccherini desprazábase de cando en cando a Madrid, onde mantiña o cargo de compositor do marqués de Benavente.

Estes dous mecenados foron decaendo nos últimos anos da súa vida, de forma que a situación de Boccherini foi empeorando paulatinamente, ata que morreu aos 62 anos de idade sendo pobre.