Método da hematoxilina ácida fosfotúngstica

O método da hematoxilina ácida fosfotungstica de Mallory, ou PTAH (siglas inglesas de Mallory's phosphotungstic acid haematoxylin) é unha técnica para a demostración, principalmente, de fibrina, estriacións musculares e moitas estruturas do sistema nervioso central.

Este método de tinguidura foi introducido por Mallory no ano 1900 para colorear selectivamente as estriacións musculares e a fibrina. A pesar da antigüidade da técnica aínda non se descubriu o seu mecanismo químico, no cal existe unha tinguidura diferencial polícroma entre as dúas estruturas.

Fundamento

O fundamento desta tinguidura consiste na reacción entre a hemateína (produto da oxidación da hematoxilina) e o ácido fosfotungstico, producindo unha solución ácida forte que contén tanto ións azuis (máis estables) coma vermellos. A coloración das partículas vermellas PTA, máis grandes que as azuis, estaría limitada ás estruturas máis permeables, como son as fibras de coláxeno. As menos permeables tínguense coas partículas azuis.

Utilízase músculo esquelético ou cardíaco, tecido con contido en fibrina, ou codia cerebral. É preferible fixar con Zenker que con formol. As seccións deben ser de 4 micrómetros para músculo e de 6 para cerebro.

Reactivos

1. Hematoxilina ácida fosfotungstica
   1. hematoxilina 1gr
   2. ácido fosfotungstico 20gr
   3. auga destilada 1l

1. Permanganato potásico 0.25%

1. Ácido oxálico 5%

Procedemento

1. desparafinar e hidratar
2. oxidar con permanganato potásico 0,25%, 5 min.
3. lavar con auga destilada
4. aclarar con ácido oxálico, ata eliminar a cor
5. tinguir coa hematoxilina ácida fosfotúngstica, toda unha noite a temperatura ambiente
6. deshidratar rápido, aclarar e montar

A deshidratación debe ser rápida, xa que tanto a auga como o alcohol poden eliminar a tinguidura. Pódense recortar tempos utilizando unha estufa a 56 °C (2 horas en total, aproximadamente).

Resultados

• estriacións musculares, fibras da neuroglía: azul escuro
• fibrina: azul escuro
• núcleos: azul
• mielina: azul claro
• coláxeno, osteoide, cartilaxe, fibras elásticas: marrón escuro/vermello
• citoplasmas: marrón rosáceo pálido

Véxase tamén

Outros artigos

• Tinguidura de Ziehl-Neelsen
• Tinguidura de Gram
• Tinguidura de Giemsa
• Tinguidura de Schmorl
• Tricrómico de Gomori nun paso
• Tricrómico de Masson

Bibliografía

• García del Moral, Raimundo (1993). Interamericana Mc Graw Hill, ed. Laboratorio de anatomía patológica (1 Ed ed.). 

Ligazóns externas

• www.hoslink.com (ed.). "Histopathology Methods". Arquivado dende o orixinal (Htm) o 05/05/2009. Consultado o 26/08/2010. (en inglés)
• HENWOOD, T. www.histosearch.com, ed. "Phosphotungstic Acid Hematoxylin stain without usi ng Zenker's" (Html). Consultado o 26/08/2010. (en inglés)
• MU Veterinary Medical Diagnostic Laboratory (01/09/1999). www.cvm.missouri.edu, ed. "Phosphotungstic Acid Hematoxylin Staining Procedure". Arquivado dende o orixinal o 24/06/2010. Consultado o 26/08/2010. (en inglés)
• MESA RAMOS, R. (03/1989). "Estudio anatomopatológico". Arquivado dende o orixinal (Html) o 06/03/2009. Consultado o 26/08/2010. (en castelán)