Manuel Díaz y Díaz

Manuel Díaz y Díaz
Biografía
Nacemento	(es) Manuel Cecilio Díaz y Díaz ; 14 de agosto de 1924 ; Mugardos, España
Morte	4 de febreiro de 2008 (83 anos); Santiago de Compostela, España
Catedrático de universidade
Datos persoais
Educación	Universidade de Madrid
Actividade
Campo de traballo	Filoloxía clásica, filoloxía latina, lingua latina e Idade Media
Ocupación	catedrático, escritor, filólogo, profesor universitario, medievalista
Membro de	Academia Medieval de América (membro correspondente da Academia Medieval de América) (1988–); Real Academia Galega (membro correspondente)
Obra
Doutorando	Amable Veiga e Eva Castro Caridad
Familia
Fillos	José Manuel Díaz de Bustamante
Premios
	(1992) doutor honoris causa pola Universidade de Salamanca; (1991) Medalla de Prata de Galicia; (1988) membro correspondente da Academia Medieval de América ;

Manuel Cecilio Díaz y Díaz, nado en Mugardos o 14 de agosto de 1924 e finado en Santiago de Compostela o 4 de febreiro de 2008 foi un latinista e medievalista galego.

Traxectoria

Licenciado en Filoloxía Clásica pola Universidade de Madrid en 1945. Fixo o doutoramento en 1949, obtivo praza de catedrático de instituto e, despois, de catedrático de Filoloxía Latina nas Universidades de Valencia (1953-1956), Salamanca (1956-1968) e finalmente na Universidade de Santiago de Compostela dende 1968. Entre 1971 e 1974 foi director do Colexio Universitario de Lugo. Membro da sección de Patrimonio Histórico do Consello da Cultura Galega polo Instituto de Estudos Xacobeos dende 1991, investigou sobre todo o latín medieval. Era especialista en lingua e literatura latinas e en numerosos aspectos do mundo medieval (literatura, Cristianismo, Codicoloxía o Paleografía, entre outros). Casou con Joaquina de Bustamante e tivo cinco fillos, entre eles o filólogo José Manuel Díaz de Bustamante.

Os seus traballos abarcan todas as materias relacionadas coa Idade Media española: desde o estudo da cultura libresca visigoda, ata os inicios da cronística do Reino de Asturias. Foi mestre e mentor de toda unha xeración de historiadores e filólogos. Entre os seus discípulos figuran Santiago Jiménez, Fernando López Alsina e Mercedes Brea.

Foi o primeiro presidente da Axencia para a Calidade do Sistema Universitario en Galicia (ACSUG).

Recoñecementos

Recibiu en 1979 a Medalla ao Mérito Docente da Orde de Afonso X o Sabio, e en 1997, o Premio Nacional de Investigación Ramón Menéndez Pidal; en 2003, o sétimo premio do Grupo Compostela, de universidades de toda Europa. Foi doutor honoris causa polas Universidades Clásica de Lisboa (1980), Salamanca (1993), Coímbra (2002) e León. En 1991 recibiu a medalla de Prata de Galicia, e en 1994 o Concello de Santiago outorgoulle a Medalla de Ouro ao mérito cultural. O Grupo Compostela de Universidades concedeulle en 2003 o VII Premio Internacional Compostela-Xunta de Galicia. Foi académico correspondente da Academia de Ciencias de Lisboa.

Obras

Index scriptorum latinorum medii aeui hispanorum, 1959.
Antología del latín vulgar.
Libros y librerías en la Rioja Altomedioeval, 1979.
Visiones del más allá en Galicia durante la Alta Edad Media, Editorial Bibliófilos Gallegos, 1985.
AA.VV. (1991). Historia de Galicia (en castelán). Faro de Vigo. ISBN 84-404-9520-X. .

Véxase tamén

Outros artigos

Clásicos en galego

Ligazóns externas

José Manuel Díaz de Bustamante. "Manuel C. Díaz y Díaz (1924-2008)", in: Asociación hispánica de Literatura Medieval.Miembros de Honor Arquivado 14 de xuño de 2021 en Wayback Machine.