Manuel Prego Chas

Manuel Prego Chas
	;
Biografía
Nacemento	1907 ; Meirás, España
Morte	12 de agosto de 1936 (28/29 anos); Veigue, España
Causa da morte	paseo
Actividade
Ocupación	sindicalista, político

Para outras páxinas con títulos homónimos véxase: Manuel Prego.

Manuel Prego Chas, nado en Meirás (Sada) en 1907 e finado en Veigue (Sada)^[1] o 12 de agosto de 1936, foi un sindicalista sadense de orientación marxista.

Traxectoria

Participou activamente no Sindicato de Profesiones Varias de Meirás (1932-1936), que chegou a presidir, e no Sindicato de Oficios Varios de Sada (1931-1936), e foi o fundador do Radio Comunista de Sada (1936).

Tralo golpe de Estado do 18 de xullo de 1936, agochouse xunto a Juan Antonio Suárez Picallo, Antonio Carballeira, José Mosquera Rey e Gumersindo Montero en Meirás. Fuxiron posteriormente os tres primeiros á Coruña. Alí, unhas semanas despois, foron identificados, delatados e apresados polos falanxistas sadenses. Tras sufriren torturas, foron asasinados.^{[Cómpre referencia]} Os seus corpos foron achados o 12 de agosto no lugar de Abeleiras.

O seu nome figura na placa instalada no 2007 en Sada en homenaxe ás vítimas da represión franquista.

↑ Supostamente, xa que foi alí onde apareceu o seu cadáver, aínda que non se sabe con certeza o lugar en que foi asasinado

Velasco Souto, C.: 1936. Represión e alzamento militar en Galiza, A Nosa Terra, 2006.
Fernández Santander, C.: Alzamiento y Guerra Civil en Galicia. 1936-1939, Ediciós do Castro, 2007.
Arquivo do Reino de Galicia, Fondo do Goberno Civil, G-2552 e G-2563.
El Pueblo Gallego ^{[cómpre nº de páxina]}
Solidaridad Obrera ^{[cómpre nº de páxina]}
Diario CNT ^{[cómpre nº de páxina]}
La Voz de Galicia ^{[cómpre nº de páxina]}