María Vinyals

María Vinyals
	;
Biografía
Nacemento	24 de agosto de 1875 ; Castelo de Soutomaior, España
Morte	1942 (66/67 anos); París (Francia)
Actividade
Ocupación	escritora, Socialista, xornalista, sufraxista, feminista
Partido político	Partido Socialista Obrero Español
Membro de	Ateneo de Madrid ; Real Academia Galega (membro correspondente)
Familia
Cónxuxe	Enrique Lluria Despau (1909–1928); Juan Jordán de Urríes (1896–1908)

Traxectoria

Naceu no castelo de Soutomaior, provincia de Pontevedra, o 14 de agosto de 1875.^[1] Recibiu bens dos seus tíos os marqueses de la Vega e Armijo.^[2] Casou en 1896 con Juan Jordán de Urríes, marqués de Ayerbe.^[1] Publicou en 1904 a súa obra El Castillo del Marqués de Mos en Sotomayor.^[3] Vinyals, que tivo relación con Emilia Pardo Bazán, María Barbeito e Carmen de Burgos,^[3] inscribiuse no Ateneo de Madrid en 1906.^[4] Foi fundadora do Centro Ibero-Americano de Cultura Popular Feminina, institución co obxectivo de ensinar a mozas que non tiñan acceso a outro tipo de educación.^[5] En 1909, tralo falecemento do marqués, casou co médico cubano Enrique Lluria.^[6] Membro do Partido Socialista Obrero Español,^[7] estivo afiliada na Agrupación Feminina Socialista de Madrid^[8] e escribiu varios artigos en publicacións coma El Imparcial, El Fígaro ou Blanco y Negro.^[9] Tratou nos seus escritos a cuestión da importancia da educación da muller coma ferramenta para a rexeneración social,^[7] ademais de propugnar a complementariedade do home e a muller na xestión pública.^[10]

En 1919 trasladouse a Cuba.^[11] Faleceu en París durante a ocupación nazi da cidade na segunda guerra mundial.^[11]

Armesto, Victoria (1969). Galicia feudal 1. Vigo: Editorial Galaxia.
Cernadas Martínez, Silvia (2012). "Unha muller para a Historia: María Vinyals, marquesa de Ayerbe". As mulleres na historia de Galicia (Santiago de Compostela: Andavira Editora) 2: 41–62. ISBN 978-84-8408-647-5.
Fernández Vázquez, José Ramón (2003-2004). "Implantación de la escuela mixta e incorporación de la mujer a la educación formalizada en Galicia: proceso histórico". Historia de la educación (Salamanca: Universidade de Salamanca). 22-23: 387–404. ISSN 0212-0267.
Ezama Gil, Ángeles (2012). "Los comienzos periodísticos de una reportera española: las colaboraciones de Josefina Carabias en La Voz (1932-1935)". El Argonauta español 9. ISSN 1765-2901.
Marco, Aurora (2007). Dicionario de Mulleres Galegas [Das orixes a 1975]. Edicións A Nosa Terra. pp. 465–467. ISBN 978-84-8341-146-9.
Moral Vargas, Marta del (2012). "Dicotomías de lo público: Límites y transgresiones del activismo social (1900-1930)". Cuadernos Kóre. Revista de historia y pensamiento de género (6). ISSN 1889-9285.
Piay Diego, Augusto (2019). María Vinyals, a muller do porvir. Sete vidas baixo a sombra dun castelo. Santiago de Compostela: Alvarellos. ISBN 978-84-16460-70-0.

Quiles Faz, Amparo (2013). "El porvenir de la mujer española: Isabel Oyárzabal y El Día de Madrid (1916-1917)". Historia(s) de mujeres. En Homenaje a Mª Teresa López Beltrán (Perséfone. Ediciones Electrónicas de la AEHM/UMA) 1: 34–49. ISBN 978-84-616-6732-1.