Nan de Allariz
  | |
| Biografía | |
|---|---|
| Nacemento | 13 de maio de 1875 Xinzo de Limia, España |
| Morte | maio de 1927 (51/52 anos) Madrid, España |
| Actividade | |
| Ocupación | poeta |
| Membro de | |
| Pseudónimo literario | Nan de Allariz |
  | |
Alfredo Fernández, coñecido como Nan de Allariz, nado en Xinzo de Limia o 13 de maio de 1875 e finado en Madrid a finais de maio de 1927, foi un escritor galego.
Traxectoria
[editar | editar a fonte]Emigrou á Arxentina onde se dedicou ao comercio. Foi colaborador de El Eco de Galicia destacando como poeta e dramaturgo. Regresou a España, concluíu os estudos de Bacharelato e iniciou a carreira de Dereito. Logo de facer un periplo por varias capitais americanas como actor e autor teatral, chegou a Cuba en 1904.
Na Habana foi nomeado secretario da sección de propaganda do Centro Gallego e secretario da Asociación Iniciadora y Protectora de la Academia Gallega. Foi director da Compañía de Esperanza Iris nos seus primeiros tempos e administrador do Teatro Nacional da Habana, dependente do Centro Galego[1]. En 1914 fundou na Habana o periódico O Tío Marcos. Ademais do seu labor xornalístico, foi propietario das fábricas de tabaco La Flor de Lis e Galatea.
Destacou tamén como compositor musical de zarzuelas, pezas costumistas e operetas, como Sangre vienesa. Foi autor da zarzuela O zoqueiro de Vilaboa: boceto de zarzuela gallega n´un acto e tres cuadros.
Abandonou Cuba arredor de 1920 e regresou a España, instalándose en Madrid e traballando nun teatro. Alí morreu en maio de 1927.
Obra
[editar | editar a fonte]- Recordos de un vello gaiteiro. Monólogo en verso gallego, 1904 (teatro)
- O zoqueiro de Vilaboa. Boceto de zarzuela gallega n´un acto e tres cuadros con música do autor, 1907 (zarzuela)
- Fume de palla, 1909 (poesías)
- A golpe de hacha, 1913 (poemario en castelán)
- Del salón al sotobanco, 1920 (narrativa en castelán)
Notas
[editar | editar a fonte]Véxase tamén
[editar | editar a fonte]Bibliografía
[editar | editar a fonte]- Centro Ramón Piñeiro, ed. (2003). Narradores ocasionais do século XIX (Relato breve) (PDF). Santiago de Compostela. pp. 75–81. ISBN 84-453-3736-X. Consultado o 6 de novembro de 2013.
