Naomi Oreskes
Naomi Oreskes, nada en Nova York o 25 de novembro de 1958, é unha historiadora da ciencia de nacionalidade estadounidense.
Traxectoria
[editar | editar a fonte]Converteuse en profesora de Historia da Ciencia e profesora asociada de Ciencias da Terra e Planetarias da Universidade Harvard en 2013, tras 15 anos como profesora de Historia e Estudos da Ciencia na Universidade de California en San Diego.[1] Traballou en estudos de xeofísica, asuntos ambientais como o quecemento global, e en historia da ciencia. En 2010, Oreskes publicou en colaboración Merchants of doubt, onde identifica paralelismos entre o debate sobre o cambio climático e outras controversias públicas anteriores.[2]
Beyond the Ivory Tower
[editar | editar a fonte]Oreskes escribiu un ensaio titulado "Beyond the Ivory Tower: The Scientific Consensus on Climate Change" na edición do 3 de decembro de 2004 da revista Science.[3][4][5] Nel realiza unha análise "dos 928 resumos de traballos publicados en revistas científicas, con revisión por pares, entre 1993 e 2003, atopados na base de datos ISI coa clave 'cambio climático'".[3] O obxectivo da análise foi probar a hipótese de que na redacción dos seus informes, organizacións como o Panel Intergobernamental sobre o Cambio Climático, a Asociación Americana para o Avance da Ciencia, editora de Science, e a Academia Nacional de Ciencias desprezaron ou infravaloraron. opinións científicas disidentes lexítimas sobre o cambio climático antropoxénico. O resultado foi que o 75% dos traballos de investigación apoiaban explícita ou implicitamente o consenso científico, de que o quecemento é real e se debe sobre todo á acción humana, e que ninguén discrepa del. O ensaio atraeu a atención do público en todo o mundo, e foi moi citado, por exemplo por Al Gore na película An Inconvenient Truth .
Merchants of doubt
[editar | editar a fonte]Merchants of doubt é un libro publicado en 2010 por Naomi Oreskes e o historiador da NASA Erik M. Conway.[6] Oreskes e Conway, ambos historiadores da ciencia, sinalaron paralelismos notables entre o debate sobre o cambio climático e as controversias máis antigas, como os efectos nocivos para a saúde do tabaco, a choiva ácida ou o buraco de ozono. Argumentan que a estratexia elixida polos que se opoñen a tomar medidas é sempre espallar dúbidas e confusión sobre o que di a ciencia respecto diso.[2] Observaron que Fred Seitz, Fred Singer e algúns outros científicos acreditados uniron en todos os casos forzas con laboratorios de ideas económicos e conservadores, e grandes empresas privadas, na tarefa de desacreditar o consenso científico sobre estas e outras cuestións de interese público.[7]
Notas
[editar | editar a fonte]- ↑ "People: Naomi Oreskes". Harvard University. Consultado o 2 de novembro de 2013.
- ↑ 2,0 2,1 "Some sceptics make it a habit to be wrong". The Australian. 20 de novembro de 2010. Consultado o 14 de marzo de 2012.
- ↑ 3,0 3,1 Oreskes, Naomi (3 de decembro de 2004). "Beyond the Ivory Tower: The Scientific Consensus on Climate Change" 306 (5702): 1686. PMID 15576594. doi:10.1126/science.1103618. Consultado o 14 de marzo de 2012.
- ↑ Oreskes, Naomi (21 de xaneiro de 2005). "Beyond the Ivory Tower, The Scientific Consensus on Climate Change (including corrections)" (PDF) 306: 1686. PMID 15576594. doi:10.1126/science.1103618. Consultado o 14 de marzo de 2012.
- ↑ "Exchange of letters to Science" (PDF) 308. 13 de maio de 2005: 952–954. doi:10.1126/science.308.5724.952. Arquivado dende o orixinal (PDF) o 12 de abril de 2010. Consultado o 14 de marzo de 2012.
- ↑ Oreskes, Naomi; Conway, Erik M. (2010). Merchants of doubt : how a handful of scientists obscured the truth on issues from tobacco smoke to global warming. Nova York: Bloomsbury Press. ISBN 978-1596916104.
- ↑ Mercaderes de Duda, Bloomsbury Prensa, p. 6.
| Control de autoridades |
|
|---|
