Oliviero Toscani

Oliviero Toscani

Biografía
Nacemento	28 de febreiro de 1942 Milán (Reino de Italia)
Morte	13 de xaneiro de 2025 (82 anos) Cecina (Italia)
Causa da morte	Amiloidose
Residencia	Casale Marittimo
Relixión	Ateísmo
Educación	Escola Superior das Artes de Zúric
Actividade
Campo de traballo	Fotografía, deseño, marca comercial, fotografía publicitaria, fotografía de moda e revista de moda
Ocupación	fotógrafo, deseñador
Partido político	Radicais Italianos
Familia
Pai	Fedele Toscani
Irmáns	Marirosa Toscani Ballo
Premios
(1992)  Premio de Fotografía Aplicada
Descrito pola fonte	Obálky knih,
Sitio web	toscani.com

Oliviero Toscani, nado en Milán o 28 de febreiro de 1942 e finado en Cecina o 10 de xaneiro de 2025, foi un fotógrafo italiano, recoñecido principalmente polas súas campañas publicitarias deseñadas para a marca de roupa Benetton, as cales provocaron controversia nas décadas de 1980 e 1990.

Traxectoria

Estudou fotografía en Zürich entre 1961 e 1965. Entre 1982 e 2000, Toscani traballou para Benetton, contribuíndo ó crecemento da marca United Colors of Benetton ata ser unha das marcas máis recoñecidas mundialmente.

Unha das súas campañas máis famosas incluía unha fotografía dun enfermo da SIDA agonizando nunha cama de hospital, rodeado da súa familia doente. Outras, incluían alusións ó racismo, a guerra, a relixión e a pena capital. En 1990, Toscani fundou a revista Colors (propiedade de Benetton), xunto co deseñador gráfico Tibor Kalman. Baixo o lema "unha revista sobre o resto do mundo", Colors explotaba o multiculturalismo prevalecente na época, así como as campañas publicitarias de Benetton. A liña editorial era independente da marca de roupa. En 1993, Toscani creou Fabrica, un centro de investigación sobre a arte na comunicación; e encargou o deseño ó arquitecto xaponés Tadao Ando.

En 2005, Toscani levantou polémicas novamente, cando fixo fotografías para a campaña publicitaria da marca de roupa masculina "Ra-Re". Os retratos aludían á homosexualidade masculina, dun modo que afervoou a diversos grupos que debatían os dereitos homosexuais.

Ademais de traballar con Benetton, Toscani foi o deseñador de campañas publicitarias para Esprit, Valentino, Chanel e Fiorucci. As campañas de Toscani gañaron catro veces o premio Lion d'Or no Festival de Cannes. Persoalmente, Toscani recibiu, entre outros premios, o UNESCO Grand Prix, e dúas veces o premio Grand Prix d'Affichage. Tivo exposicións individuais, en orde cronolóxica, nas cidades de Venecia, São Paulo, Milán, cidade de México, Helsinqui, Roma e outras catorce cidades.