A Ópera de París (en francés: Opéra de Paris) é a principal compañía de ópera da cidade de París. Foi fundada en 1669 por Lois XIV de Francia como Académie d'Opéra, e pouco despois foi posta baixo o liderado de Jean-Baptiste Lully e oficialmente renomeada como Académie Royale de Musique, mais continuou a ser coñecida sinxelamente como a Ópera. O ballet clásico tal e como o coñecemos no presente xurdiu na Ópera de París como Ballet de l'Opéra National de Paris e mantívose como unha parte integral e moi importante da compañía. No presente é chamada Opéra National de Paris, e produce principalmente óperas na moderna Ópera da Bastilla que abriu en 1989, e ballets algunhas óperas clásicas no Palais Garnier que abriu en 1875. Obras de pequena escala e contemporáneas son representadas na Ópera da Bastilla.
