Saltar ao contido

Parque Nacional do Nordeste de Groenlandia

Na Galipedia, a Wikipedia en galego.
Modelo:Xeografía físicaParque Nacional do Nordeste de Groenlandia
(kl) Kalaallit Nunaanni nuna eqqissisimatitaq Editar o valor en Wikidata
Imaxe
TipoParque nacional
área non incorporada de Groenlandia
Reserva natural
espazo natural protexido
Reserva da biosfera Editar o valor en Wikidata
Localización
División administrativaGroenlandia Editar o valor en Wikidata
Editar o valor en Wikidata Mapa
 77°N 31°O / 77, -31
Comparte fronteira conSermersooq
Avannaata Editar o valor en Wikidata
Características
Superficie972.000 km²
97.200.000 ha Editar o valor en Wikidata
Categoría II da UICN: Parque Nacional
Reserva da biosfera  
IdentificadorEntrada: unesco.org… Editar o valor en Wikidata
World Database on Protected Areas
IdentificadorEditar o valor en Wikidata 650 Editar o valor en Wikidata
Historia
Data de creación ou fundación22 de maio de 1974 e 1974 Editar o valor en Wikidata

Parque Nacional do Nordeste de Groenlandia (en groenlandés: Kalaallit Nunaanni nuna eqqissisimatitaq, en dinamarqués: Grønlands Nationalpark) é o meirande parque nacional do mundo e a novena área protexida por superficie (só superada por áreas protexidas marítimas).[1] Estabelecido en 1974 e ampliado até o seu tamaño actual en 1988, protexe 972 000 km²[2] do interior e da costa nordeste de Groenlandia. Supera en superficie á maioría dos países do mundo, agás 29. Foi o primeiro parque nacional creado en Dinamarca e tamén o máis setentrional do mundo.

Xeografía

[editar | editar a fonte]

O parque limita, case en liña recta, co concello de Sermersooq polo sur e co de Avannaata polo oeste, coincidindo parcialmente co meridiano 45 oeste. O interior ocúpao a capa de xeo de Groenlandia, mais tamén hai grandes zonas libres de xeo na costa e na península da terra de Peary, ao norte.

Ao igual que o resto do Ártico, o parque sofre unha alarmante perda de xeo por mor do quecemento global.[3]

Fauna

[editar | editar a fonte]
Iceberg no parque nacional.

Estímase que hai entre 5 000 e 15 000 bois almiscreiros, así como numerosos osos polares e morsas, que se atopan na parte costeira do parque. En 1993, estimábase que o 40% da poboación mundial de boi almiscreiro vivía na zona. Entre outros mamíferos que se poden atopar no parque, destacan o raposo ártico, o armiño, o lemming de colar, a lebre ártica e unha poboación pequena pero importante de lobo de Groenlandia. Entre as especies mariñas, pódense atopar a foca anelada, a foca barbuda, a foca de Groenlandia, a foca de capelo, o narval e a beluga.[4]

Entre as aves que crían no parque destacan a movella grande, o ganso sangano, o ganso bicocurto, o eider, o éider real, o falcón albar, o bufo nival, o pilro bulebule, o Lagopus muta e o corvo grande.[4]

Notas

[editar | editar a fonte]
  1. ↑ "The National Park". Greenland.com. Consultado o 18 de xuño de 2013. 
  2. ↑ Statistics Greenland, Greenland in Figures, 2009
  3. ↑ Ramskov, Jens. "Climate models underestimate the melting of the ice cap " In English Ingeniøren, 26 de decembro de 2014. Data de acceso: 26 de decembro de 2014.
  4. ↑ 4,0 4,1 "Kalaallit Nunaat high arctic tundra". na1112. Consultado o 3 de outubro de 2008. 

Véxase tamén

[editar | editar a fonte]

Ligazóns externas

[editar | editar a fonte]
Traído desde «https://gl.wikipedia.org/w/index.php?title=Parque_Nacional_do_Nordeste_de_Groenlandia&oldid=6849527»