Sermersooq

Sermersooq
	Kommuneqarfik Sermersooq (kl)
Localización
	66°N 40°O / 66, -40
Estado	Dinamarca
País autónomo	Groenlandia
Capital	Nuuk
Poboación
Poboación	22.480 (2016) (0,04 hab./km²)
Lingua oficial	Lingua groenlandesa
Xeografía
Superficie	531.900 km²
Comparte fronteira con	Kujalleq ; Qeqertalik ; Parque Nacional do Nordeste de Groenlandia ; Qeqqata ; Avannaata
Creación	2009
Organización política
• Xefe do goberno	Avaaraq S. Olsen (pt) (2022–)
Identificador descritivo
Código postal	3900
Fuso horario	UTC−01:00; UTC−03:00
ISO 3166-2	GL-SM
Outro
Irmandado con	Dalvíkurbyggð (pt) ; Gentofte (pt) ; Kópavogur (pt) ; Herlev (pt) ; Aalborg Municipality (en) (1963–); Aalborg (1963–)
Sitio web	sermersooq.gl

Sermersooq (en groenlandés: Kommuneqarfik Sermersooq) é un municipio situado no sur e suroeste de Groenlandia (Dinamarca), operativo dende o 1 de xaneiro de 2009. Nel atópase a capital, Nuuk (antes chamada Godthåb). Sendo o municipio máis poboado do territorio, con 21.868 habitantes para 2013, foi creado coas antigas municipalidades de Ammassalik, Ittoqqortoormiit, (leste de Groenlandia) e Ivittuut, Nuuk e Paamiut (suroeste de Groenlandia).

Xeografía

O municipio ocupa a parte sur e suroeste de Groenlandia e posúe unha superficie estimada en 635.600 km²,o que o fai o segundo municipio máis grande do territorio tras Qaasuitsup, estando no norte de Sermersooq. No extremo sur é flanqueado polo municipio de Kujalleq. As augas que flúen ó redor da costa occidental do municipio son as do Mar do Labrador, que se aproxima cara ao norte para formar o Estreito de Davis que separa a illa de Groenlandia da illa de Baffin no Canadá.

Fiordes preto de Kangilinnguit, Sermersooq

No noroeste, o municipio está bordeado polo municipio de Qeqqata, e máis ao norte polo municipio Qaasuitsup, No norte o municipio limita co Parque Nacional do nordés de Groenlandia, que non constitúe un municipio senón unha área non incorporada pertencente a Groenlandia, As costas do sueste están bordeadas polas augas do Estreito de Dinamarca, que separa a illa de Groenlandia, de Islandia.