A patrulla militar formou parte do programa olímpico nos Xogos de Inverno, entre 1924 e 1948.[1] Durante a primeira, en 1924, outorgáronse medallas que contabilizaban no cadro xeral de medallas; nas outras tres edicións a patrulla militar foi un deporte de demostración (1928, 1936 e 1948). O Comité Olímpico Internacional considera no presente todas as probas como deporte de demostración. Esta disciplina é considerada a antecesora directa do bíatlon nos Xogos Olímpicos.
