Pigargo europeo

Pouco preocupante^[1]

Reino:	Animalia
Filo:	Chordata
Clase:	Aves
Orde:	Falconiformes
Familia:	Accipitridae
Xénero:	Haliaeetus
Especie:	H. albicilla

Nome binomial

'Haliaeetus albicilla'
Linnaeus, 1758

Verde claro: zona de cría
Azul: zona de invernada
Verde escuro: presente todo o ano

Sinonimia

Falco albicilla (Linnaeus, 1758)
Haliaeetus albicilla albicilla
Haliaeetus albicilla groenlandicus

O pigargo europeo^[2], comunmente pigargo,^[3] (Haliaeetus albicilla) é unha ave rapaz da familia dos Accipítridos.

Morfoloxía

É unha aguia de gran tamaño cun enorme peteiro amarelo. A plumaxe é escura, agás a cola e a cabeza que van branquexando conforme ó envellecemento do individuo. A femia é lixeiramente meirande có macho.

Reprodución

A posta consiste en 2-3 ovos, sendo realizada en febreiro ou marzo. Os ovos son chocados por ambos proxenitores durante uns 40 días. As parellas son estables e en ocasións conviven no mesmo territorio varias familias; trátase dunha das aguias máis sociábeis.

Nutrición

Ecléctica, dende peixes ata limícolas e anátidos, chegando incluso a capturar cisnes ou grúas. Tamén mamíferos, dende roedores ata crías de cervos, focas ou raposos. É unha especie moi habilidosa na caza, chegando a cazar en grupo.

Distribución

Dende o norte e leste de Europa, ata a península de Kamchatka, Anadyr, norte da China e sur de Groenlandia. Na Europa occidental foi exterminada, considerándose a especie extinta en Francia, Italia, na totalidade das Illas Británicas e nas illas do Mediterráneo. En Alemaña estivo a piques de seguir a mesma sorte. Así á comezos do século XX, só había parellas estables na Pomerania e en Mecklemburgo. Grazas ás medidas de protección desenvolvidas ó longo de décadas, conseguiuse estabilizar unha pequena poboación en Schleswig-Holstein. Ademais no 1992 acadouse a primeira cría con éxito na Baixa Saxonia. A comezos do século XXI, estimouse unha poboación estable de preto de 200 parellas en Alemaña.

Notas

↑ BirdLife International. "{{{taxon}}}". Lista Vermella de especies ameazadas. (en inglés). Unión Internacional para a Conservación da Natureza.
↑ "Denominación das aves". Real Academia Galega. Consultado o 2024-12-07.
↑ Definicións no Dicionario da Real Academia Galega e no Portal das Palabras para pigargo.

Véxase tamén

[iucn-1] BirdLife International. "{{{taxon}}}". Lista Vermella de especies ameazadas. (en inglés). Unión Internacional para a Conservación da Natureza.

[2] "Denominación das aves". Real Academia Galega. Consultado o 2024-12-07.

[3] Definicións no Dicionario da Real Academia Galega e no Portal das Palabras para pigargo.

[1]

[2]

[3]