A praia de Rodiles é unha praia do litoral oriental de Asturias pertencente ao concello de Villaviciosa e forma parte Reserva Natural Parcial da Ría de Villaviciosa. Atópase na marxe oriental da desembocadura da ría de Villaviciosa. O extremo occidental da praia comunica coa praia de Misiego, situada no delta da ría. No outro lado da desembocadura está a praia de El Puntal.
Rodiles conta con varios servizos, como aseos, aparcadoiro, duchas, teléfono, papeleiras, servizo de limpeza, pasarelas de acceso e servizo de salvamento. É unha praia apta para a práctica de varios deportes, principalmente o surf.[1] Conta tamén cun amplo merendeiro.
Rodiles é un tramo do litoral da Costa do Xurásico Asturiana, área de grande interese arqueolóxico por mor do achado de numerosos xacementos do período xurásico formados por rochas nas que se atopan impresas pegadas de dinosauros.
) × 1.000 (
) m 
