Prudencio Rovira
| Biografía | |
|---|---|
| Nacemento | 21 de setembro de 1870  Pontevedra, España |
| Morte | 29 de febreiro de 1960 (89 anos) Madrid, España |
| Actividade | |
| Ocupación | avogado, político, xornalista |
| Pseudónimo literario | Rovirita |
  | |
Prudencio Rovira Pita, coñecido como Rovirita, nado en Pontevedra o 21 de setembro de 1870 e finado en Madrid o 29 de febreiro de 1960,[1] foi un avogado, político e xornalista galego.
Traxectoria
[editar | editar a fonte]Estudou no Colexio dos agostiños de El Escorial e na Universidade de Madrid. Especializouse por libre en historia, literatura e arte. Funcionario do Ministerio de Gobernación, dedicouse integramente ao xornalismo, traballando como redactor en El Correo, La Correspondencia de España e El Español de Madrid. Foi secretario particular de Antonio Maura durante a maior parte da súa vida pública (1902-1925). Foi elixido deputado a Cortes polo distrito de Ribadeo nas eleccións de 1907 e polo distrito da Pobra de Trives nas eleccións de 1919, 1920 e 1923. Continuou colaborando en periódicos, como Diario de Barcelona e El Diario Español de Buenos Aires. En galego publicou Hirmandade!, un libro de poemas de contido agrarista.
Obra
[editar | editar a fonte]- El campesino gallego. (Apuntes sobre su condición social), 1904.
- Tierra balear. Esbozos mallorquines, 1913.
- Hirmandade! Poemiña de revolta, 1918.
- Cartas son cartas, 1949.
- Maura. Infancia y juventud, 1953.
- Maura, acuarelista, 1955.
Distincións
[editar | editar a fonte]Recibiu a Cruz de Carlos III e a Cruz do Mérito Naval.
Notas
[editar | editar a fonte]- ↑ "Necrología. Don Prudencio Rovira y Pita". El Pueblo Gallego. 3 de marzo de 1960. p. 11.
