Pterocladiella capillacea

Pterocladiella capillacea

Gelidium corneum var. capillaceum = Pterocladiella capillacea
Lámina de 1852

Reino:	Plantae
Subreino:	Biliphyta
Filo:	Rhodophyta
Clase:	Florideophyceae
Subclase:	Rhodymeniophycidae
Orde:	Gelidiales
Familia:	Pterocladiaceae
Xénero:	Pterocladiella
Especie:	P. capillacea

Nome binomial

Pterocladiella capillacea
(S.G.Gmelin) Santelicas & Hommersand, 1997.

Sinonimia

Véxase o texto

Pterocladiella capillacea é unha especie de rodófita (alga vermella) da clase das florideofíceas, subclase das rodimeniofícidas e familia das pterocladiáceas, unha das numerosas incluídas no xénero Pterocladiella.^[1]

Taxonomía

Descrición

A especie foi descrita en 1997 polos ficólogos Bernabé Santelices (chileno) e Max H. Hommersand (estadounidense).^[1]^[2]

Sinónimos

Ao longo do tempo, a especie coñeneuse tamén polos numerosos sinónimos:^[1]

Cornea capillacea (S.G.Gmelin) Stackhouse, 1809
Fucus capillaceus S.G.Gmelin, 1768 (protónimo)
Fucus corneus var. pinnatus (Hudson) Goodenough & Woodward, 1797
Fucus pinnatus' Hudson, 1762
Gelidium capillaceum (S.G.Gmelin) Meneghini, 1854
Gelidium corneum f. clavatum Ardissone, 1874
Gelidium corneum var. capillaceum (S.G.Gmelin) Greville, 1830
Gelidium okamurae Setchell & N.L.Gardner, 1937
Gelidium pyramidale N.L.Gardner, 1927
Gigartina cornea var. capillacea (S.G.Gmelin) S.F.Gray, 1821
Pterocladia capillacea (S.G.Gmelin) Bornet, 1876
Pterocladia complanata N.H.Loomis, 1949
Pterocladia densa Okamura, 1934
Pterocladia lindaueri K.C.Fan, 1961
Pterocladia mexicana W.R.Taylor, 1945
Pterocladia okamurae (Setchell & N.L.Gardner) W.R.Taylor, 1945
Pterocladia pinnata (Hudson) Papenfuss, 1950
Pterocladia pyramidalis (N.L.Gardner) E.Y.Dawson, 1945
Pterocladia robusta W.R.Taylor, 1945
Sphaerococcus capillaceus (S.G.Gmelin) Naccari, 1828a
Sphaerococcus corneus var. capillaceus (S.G.Gmelin) C.Agardh, 1822

Catacteríasticas

É unha alga de cor vermella escura, purpúrea, rosa e ás veces apardazada, de até 20 ou 30 cm de altura e consitencia cartilaxinosa. O eixe, que aparece prostrado, é cilíndrico, de 2 a 4 cm de diámetro, está fixado por filmentos rastreiros ao substrato, dos que saen varios eixes erectos, aplanados, espidos na base, cilíndrico (de 4 mm de diámetro) ou esmagados, que forman o fronde de até 30 cm e ramificados irregularmente: algúns eixes non están ramificados, mentres que outros estáno tres ou catro veces, con ramificacións opostas ou alternas, que producen frondes de contorno triangular, bi ou tripinnados, con pínnulas que diminúen de lonxitude cara ao ápice. Os gametófitos son dioicos. Os esporocarpos fórmanse na superficie do talo, en zonas que perden a cor, e presentan contorno irregular. Os cistocarpos son uniloculares; os tetrasporanxios son ovoides ou semiesféricos e aparecen nas últimas ramas, que adoitan teren aspecto espatulado.^[3]^[4]

Hábitat

Pterocladiella capillacea é unha especie epilítica (é dicir, que vive adherida ás rochas), que habita nas pozas intermareais grandes e nas zonas mesolitorais e sublitorais, até os 2 m de profundidade.^[4]

Distribución

É unha especie común nos mares temperados, estendéndose até os subtropicais,^[5] desde as illas Británicas até a África occidental, no Atlántico oriental (incluído o Mediterráneo), a Arxentina e o Uruguai, no Atlántico occidental, e Vietnam e o Xapón, no Pacífico.^[4]

En Galicia

Nas costas galegas, desde Ribadeo até A Guarda, atópase formando matas flexíbeis nas pozas intermareias profundas na zona mesolitoral media en áreas expostas ou semiexpostas.^[3]

Notas

↑ ^1,0 ^1,1 ^1,2 Pterocladiella capillacea (S.G.Gmelin) Santelices & Hommersand, 1997 no WoRMS. Consultado o 23 de febreiro de 2021.
↑ Guiry, M. D. & Guiry, G. M. 2019.
↑ ^3,0 ^3,1 González, García Álavarez & Míguez Rodríguez 1998, p. 100.
↑ ^4,0 ^4,1 ^4,2 Pterocladiella capillacea en AsturNatura.
↑ Womersley, H. B. S. & Guiry, M. D. (1994)): "Order Gelidiales Kylin 1923": 132. en: The marine benthic flora of southern Australia. Part IIIA. Bangiophyceae and Florideophyceae (Acrochaetiales, Nemaliales, Gelidiales, Hildenbrandiales and Gigartinales sensu lato). Womersley, H. B. S., ed. Canberra: Australian Biological Resources Study. ISBN 0-6421-9806-3, pp. 118-142.

Véxase tamén

Bibliografía

González, Concepción, Óscar García Álavarez e Luís Míguez Rodríguez (1998): Algas mariñas de Galicia. Vigo: Edicións Xerais de Galicia. ISBN 84-8302-263-X.
Guiry, M. D. & Guiry, G. M. (2019): Pterocladia capillacea (S.G.Gmelin) Bornet 1876. En AlgaeBase. World-wide electronic publication, National University of Ireland, Galway. Consultada o 23 de febreiro de 2021.
Santelices, B. & Hommersand, M. (1997): "Pterocladiella, a new genus in the Gelidiaceae (Gelidiales, Rhodophyta)". Phycologia 36 (2): 114–119.

Outros artigos

Ligazóns externas

Pterocladiella capillacea (S.G.Gmelin) Santel. & Hommers. no GBIF.

[W-1] 1,0 ^1,1 ^1,2 Pterocladiella capillacea (S.G.Gmelin) Santelices & Hommersand, 1997 no WoRMS. Consultado o 23 de febreiro de 2021.

[FOOTNOTEGuiry,_M._D.Guiry,_G._M.2019-2] Guiry, M. D. & Guiry, G. M. 2019.

[FOOTNOTEGonzálezGarcía_ÁlavarezMíguez_Rodríguez1998100-3] 3,0 ^3,1 González, García Álavarez & Míguez Rodríguez 1998, p. 100.

[AN-4] 4,0 ^4,1 ^4,2 Pterocladiella capillacea en AsturNatura.

[5] Womersley, H. B. S. & Guiry, M. D. (1994)): "Order Gelidiales Kylin 1923": 132. en: The marine benthic flora of southern Australia. Part IIIA. Bangiophyceae and Florideophyceae (Acrochaetiales, Nemaliales, Gelidiales, Hildenbrandiales and Gigartinales sensu lato). Womersley, H. B. S., ed. Canberra: Australian Biological Resources Study. ISBN 0-6421-9806-3, pp. 118-142.

[1]

[2]

[3]

[4]

[5]