Quanah Parker

Quanah Parker
	;
Biografía
Nacemento	p. 1845 ; Territorio indio
Morte	23 de febreiro de 1911 (65/66 anos); Quanah Parker Star House, Estados Unidos de América
Lugar de sepultura	cemiterio de Fort Sill Post (1957–) ; cemiterio de Post Oak (1911–1957)
Relixión	Igrexa nativa americana
Actividade
Campo de traballo	Cacicado, relixión étnica, arte militar e Comanches
Lugar de traballo	Oklahoma
Ocupación	Xefe tribal, gandeiro, líder espiritual, comerciante
Familia
Pais	Peta Nocona e Cynthia Ann Parker
Descrito pola fonte	Appletons' Cyclopædia of American Biography, (sec:Parker, Quanah)

Quanah Parker (en comanche: kwana, "cheiro, olor"), nado c. 1845 ou 1852, e finado o 23 de febreiro de 1911 foi un líder guerreiro da banda Quahadi ("antílope") dos comanches.

Traxectoria

Naceu na banda Nokoni ("vagabundos"), fillo do xefe comanche Peta Nocona e de Cynthia Ann Parker, unha anglotexana^[1] que foi secuestrada de nena e que foi asimilada na tribo. Despois da captura de varios xefes kiowa en 1871, Quanah emerxeu como figura dominante na guerra do río Vermello, enfrontándose en varias ocasións co Coronel Ranald S. Mackenzie. Por mor da caza até a extinción que os brancos practicaron sobre o bisonte, o sustento primario dos comanches, Quanah finalmente rendeuse e liderou pacificamente ós Quahadi até a reserva de Fort Sill, Oklahoma.

Quanah Parker nunca foi elixido como xefe polo seu pobo, pero foi nomeado polo goberno federal como principal xefe de toda a nación comanche, converténdose no principal emisaio dos indíxenas americanos do suroeste. Na súa vida civil, gañou riqueza como gandeiro, asentándose preto de Cache, Oklahoma. Aínda que animou ós comanches na súa cristianización, avogou pola alternativa sincrética da Igrexa nativa americana, e loitou polo uso legal de peiote dentro das prácticas relixiosas do movemento.^[2] Foi escollido shériff de Lawton en 1902.

Morte

Despois da súa morte o 23 de febreiro de 1911,^[3] o título de xefe foi substituído polo de presidente, polo que Quanah é descrito como o "derradeiro xefe dos comanches". Está enterrado en Chief's Knoll, Fort Sill. Moitas cidades e sistemas de estradas no suroeste de Oklahoma e no norte de Texas, outrora o sur da Comanchería, fan referencia ó seu nome.

Notas

↑ Hämäläinen (2018), p. 467
↑ Hayward, Robert (2011). The Thirteenth Step: Ancient Solutions to the Contemporary Problems of Alcoholism and Addiction using the Timeless Wisdom of The Native American Church Ceremony. Native Son Publishers Inc. ISBN 0983638403
↑ "Quanah Parker Dead. Famous Comanche Chief Once Entertalned Ambassador Bryce". New York Times. 24 de febreiro de 1911. Consultado o 2011-05-26. Quanah Parker, the famous chief of the Comanche Indian tribe, died at his home here today of pneumonia Quanah Parker's mother was a white girl who was ...

Véxase tamén

Bibliografía

Weston La Barre, The Peyote Cult, New Haven, CT: Yale University Press, 1938
Paul H. Carlson e Tom Crum, Myth, Memory and Massacre: The Pease River Capture of Cynthia Ann Parker, Texas Tech University Press, 2011
Hämäläinen, Pekka (2018). El imperio comanche (en castelán). Barcelona: Península. ISBN 978-84-9942-733-1.
Jo Ann Powell Exley, Frontier Blood: the Saga of the Parker Family, Texas A & M University, 2001
William T. Hagan, United States-Comanche Relations: The Reservation Years, New Haven, CT: Yale University Press, 1976
William T. Hagan, Quanah Parker, Comanche Chief, Norman, OK: University of Oklahoma Press, 1993
Clyde L. e Grace Jackson, Quanah Parker, last chief of the Comanches; a study in Southwestern Frontier history, Nova York, Exposition Press, 1963
Bill Neeley, The Last Comanche Chief: The Life and Times of Quanah Parker, Nova York: John Wiley and Sons, 1995
Jack K. Selden, Return: The Parker Story, Clacton Press, 2006

[1] Hämäläinen (2018), p. 467

[2] Hayward, Robert (2011). The Thirteenth Step: Ancient Solutions to the Contemporary Problems of Alcoholism and Addiction using the Timeless Wisdom of The Native American Church Ceremony. Native Son Publishers Inc. ISBN 0983638403

[3] "Quanah Parker Dead. Famous Comanche Chief Once Entertalned Ambassador Bryce". New York Times. 24 de febreiro de 1911. Consultado o 2011-05-26. Quanah Parker, the famous chief of the Comanche Indian tribe, died at his home here today of pneumonia Quanah Parker's mother was a white girl who was ...

[1]

[2]

[3]