Ralf König

Ralf König
	; (2012)
Biografía
Nacemento	8 de agosto de 1960 (64 anos); Soest, Alemaña
Educación	Kunstakademie Düsseldorf (en)
Actividade
Ocupación	escritor, guionista, activista LGBT
Membro de	LSVD⁺ – Federation Queer Diversity (en)
Premios
	(1 de novembro de 2017) Wilhelm Busch Prize (en) ; (1992) Mellor obra estranxeira publicada en España, premiado polo traballo Killer Condom (en) ;
Descrito pola fonte	Obálky knih,
Páxina web	ralf-koenig.de

Ralf König, nado en Soest o 8 de agosto de 1960, é un autor alemán de banda deseñada, e o máximo expoñente internacional da banda deseñada de temática gai.

Traxectoria

Naceu nunha familia obreira do rural da República Federal Alemá. Estudou nun centro de formación profesional, comezou a traballar como aprendiz de soldador. En 1979 saíu do armario e comezou a escribir pequenas historias de banda deseñada para o fancine underground Zomix e o xornal gai Rosa Flieder, os dous en Múnic.

Entre 1981 e 1986 regresou aos estudos, cursando Belas Artes na Academia de Belas Artes de Düsseldorf. En 1981 tamén comezou a publicar álbums de seu, co seu primeiro título Sarius, que foi editado pola Rosa Winkel de Berlín. En 1987 publica o primeiro álbum con historia completa e longa, a primeira novela gráfica, co título de Kondom des Grauens.

Está traducido a uns 14 idiomas, e os seus álbums teñen acadado a cifra de 5 millóns de exemplares. Foi levado ao cine en catro ocasións.

Estilo

A súa banda deseñada caracterízase por unha busca constante do humor, reproducindo situacións cómicas que lle suceden aos personaxes das comunidades gai-lésbicas de Alemaña: os seus personaxes, que se moven fundamentalmente en relación a estereotipos sexuais e físicos, teñen continuidade a través dalgunhas obras, incluso naquelas como Lysistrata ou Jago onde realiza digresións históricas á Grecia clásica ou á Inglaterra de Shakespeare.

O seu deseño é claro e fundamentalmente en branco e negro, con predominio das liñas sobre as masas. O resultado son debuxos que se achegan á caricatura de carácter cómico e grotesco.

Malia o seu ton humorístico ten tocado a miúdo temas serios, relacionados coa saída do armario, a homofobia ou a reacción cultural producida como consecuencia da sida.

Álbums

Sarius, 1981
Das sensationelle Comic-Book, 1981
SchwulComix, 1981
SchwulComix 2, 1984
Macho Comix, 1984
SchwulComix 3, 1985
SchwulComix 4, 1986
Kondom des Grauens, 1987
Der bewegte Mann, 1987
Lysistrata, 1987
Pretty Baby, 1988 (continuación de Der bewegte Mann)
Comics, Cartoons, Critzeleien, 1988
Safere Zeiten, 1988
Beach Boys, 1989
Prall aus dem Leben, 1989
Bis auf die Knochen, 1990 (continuación de Kondom des Grauens)
Heiße Herzen, 1990 (con Detlev Meyer)
Zitronenröllchen, 1990
Schwulxx-Comix, 1990 (con Walter Moers)
Deutsche Tuntenpost, 1991
Bullenklöten!, 1992
...und das mit links!, 1993
Konrad und Paul, 1993
Konrad und Paul 2, 1994
Konrad und Paul 3, 1997
Jago, 1998
Superparadise, 1999 (continuación de Bullenklöten)
Poppers! Rimming! Tittentrimm!, 2001
Wie die Karnickel, 2002
Sie dürfen sich jetzt küssen, 2003 (terceira parte de Bullenklöten)
Suck my duck, 2004
Roy und Al, 2004
Dschinn Dschinn: Der Zauber des Schabbar, 2005
Dschinn Dschinn 2: Schleierzwang im Sündenpful, 2006

Filmes

Der bewegte Mann, 1994
Kondom des Grauens, 1996 (guión de Ralf König)
Wie die Karnickel, 2002 (guión de Ralf König)
Lisístrata, España 2002 (baseada en Lysistrata)

Premios

Premio Joop Klepzeiker, 1988
Mellor debuxante de banda deseñada alemán, Grenoble, 1990
Premio Max e Moritz, 1992
Mellor debuxante de banda deseñada internacional, Barcelona, 1992
Bundesfilmpreis polo filme O home desexado, 1995
Goldene Leinwand mit Sternchen polo filme O home desexado, 1995
Goldener RIK, Colonia, 2002
Zivilcourage-Preis des Berliner CSD, Berlin, 2004
Prix Alph’Art, Angoulême, 2005
Premio miglior storia lunga, 2005
Premio Max e Moritz, 2006

Véxase tamén

Ligazóns externas

Web oficial de Ralf König