Ramón Martínez Pérez

Ramón Martínez Pérez
Biografía
Nacemento	6 de febreiro de 1929 ; Melilla, España
Morte	6 de xaneiro de 2017 (87 anos)
Actividade
Ocupación	futbolista
Período de actividade	1949 - 1962
Deporte	fútbol
Posición de xogo	Centrocampista
–
Traxectoria

Ramón Martínez Pérez, máis coñecido como Ramoní, nado en Melilla o 6 de febreiro de 1929 e finado o 6 de xaneiro de 2017, foi un futbolista e adestrador español que xogaba como centrocampista.

Traxectoria

Como futbolista

Debutou na Segunda División nas filas do Atlético Tetuán, na tempada 1949/50, e esa mesma tempada fichou polo Sevilla. Militou durante oito tempadas e media no club andaluz, sumando 174 partidos oficiais e 20 goles. Foi subcampión de liga en dúas ocasións, nas tempadas 1950/51, con Campanal I no banco, e na 1956/57, adestrado por Helenio Herrera.

En 1958 foi traspasado xunto a Arsenio Iglesias ao Granada CF de Scopelli, nunha operación pola que Gilberto Navarro pasou a ser xogador do Sevilla, e na que entrou tamén Loren, cedido ao Granada.^[1] Disputou 29 partidos en dúas tempadas co Granada e foi titular na única final de Copa da historia do club, en 1959, contra o FC Barcelona.

Por último xogou dous anos no CD Málaga, co que logrou o ascenso a Primeira en 1962, poñendo fin á súa carreira.

Selección española

Foi internacional coa selección española en dúas ocasións, en 1952, disputando dous amigables contra a Arxentina e Alemaña Federal.^[2] Ao ano seguinte xogou un partido coa selección española B, marcando dous goles contra Alemaña Federal.

Como adestrador

Despois de colgar as botas foi adestrador e dirixiu a varios equipos, principalmente de Melilla e Estremadura.

Notas

↑ "Arsenio y Ramoní, traspasados al Granada a cambio de Navarro". La Noche (en castelán) (11694). 9 de setembro de 1958. p. 14. Consultado o 1 de xuño de 2021.
↑ "El internacional melillense Ramón Martínez Pérez "Ramoní"" (en castelán). 17 de setembro de 2016. Arquivado dende o orixinal o 19 de febreiro de 2022. Consultado o 19 de febreiro de 2022.

Véxase tamén

Ligazóns externas

Datos do xogador en BDFutbol (en castelán).
Datos do adestrador en BDFutbol (en castelán).

[1] "Arsenio y Ramoní, traspasados al Granada a cambio de Navarro". La Noche (en castelán) (11694). 9 de setembro de 1958. p. 14. Consultado o 1 de xuño de 2021.

[2] "El internacional melillense Ramón Martínez Pérez "Ramoní"" (en castelán). 17 de setembro de 2016. Arquivado dende o orixinal o 19 de febreiro de 2022. Consultado o 19 de febreiro de 2022.

[1]

[2]