Raymond Radiguet

Raymond Radiguet

Biografía
Nacemento	(fr) Raymond Maurice Radiguet 18 de xuño de 1903 Saint-Maur-des-Fossés (Francia)
Morte	12 de decembro de 1923 (20 anos) 16º distrito de París (Francia)
Causa da morte	Febre tifoide
Lugar de sepultura	Cemiterio do Père-Lachaise, 56 48°51′43″N 2°23′30″L Grave of Radiguet (en)
Educación	Lycée Charlemagne (en)
Actividade
Ocupación	escritor, poeta, xornalista, novelista
Obra
Obras destacables (1923) O demo no corpo (1924) Le bal du Comte d'Orgel (en)
Arquivos en	Institut mémoires de l'édition contemporaine [ 271RDG]
Familia
Parella	Beatrice Hastings Irène Lagut
Pai	Maurice Radiguet
Descrito pola fonte	Obálky knih,

Raymond Radiguet por Modigliani (1915).

Raymond Radiguet, nado en Saint-Maur o 18 de xuño de 1903 e finado en París o 12 de decembro de 1923, foi un escritor francés.

Traxectoria

Radiguet naceu en Saint-Maur, nas proximidades de París, fillo dun caricaturista. En 1917 mudouse para a cidade. Ben cedo, aos 15 anos de idade, abandonou completamente os estudos no Lycée Charlemagne para se dedicar ao xornalismo e á literatura. Asociouse co grupo modernista da época, creando amizade con Picasso, Max Jacob, Juan Gris e especialmente con Jean Cocteau, que se tornou o seu mentor e, de acordo cos rumores desa época en París, era probabelmente o seu amante.^{[Cómpre referencia]} Radiguet tamén tivo diversas relacións ben documentadas con mulleres.^{[Cómpre referencia]}

No comezo de 1923, Radiguet publicou a súa primeira e máis famosa novela: O demo no corpo. Conta a historia dunha moza casada que ten un romance cun rapaz de dezaseis anos de idade mentres seu marido loita na fronte de guerra, o que provocou un escándalo en Francia, que acabara de saír da primeira guerra mundial. Aínda que Radiguet o negase, confirmouse que a historia foi en gran parte autobiográfica. Críticos, que inicialmente menosprezaran a intensa campaña publicitaria para o lanzamento do libro (algo normalmente non asociado a traballos de mérito literarios na época), finalmente apreciaron a escrita sobria e o estilo obxectivo de Radiguet.

A súa segunda novela, Le bal du Comte d'Orgel, que tamén trataba sobre o adulterio, foi publicado só postumamente, en 1924. Aos 20 anos de idade, Radiguet morreu prematuramente de febre tifoide, que el contraeu tras unha viaxe que fixera con Cocteau. En reacción a súa morte, Francis Poulenc escribiu: "Durante dous días fun incapaz de facer calquera cousa do atordoado que estaba" (Ivry 1996). Ao lado desas dúas novelas, os traballos de Radiguet inclúen algúns poucos volumes de poesía e unha peza teatral.

En 1947, Claude Autant-Lara lanzou o seu filme Le diable au corps, baseado na novela de Radiguet e con Gérard Philipe como actor principal. Por se estrear xustamente tras a segunda guerra mundial, o filme causou de novo controversia. Entre outras versións cinemáticas das historias de Radiguet, destácase unha adaptada por Marco Bellocchio, Il diavolo in corpo (1986), que se tornou notábel por ser un dos primeiros filmes da actualidade en mostrar relacións sexuais non simuladas.

Obras

• Les Joues en feu, poesías (1920)
• O demo no corpo (Le Diable au corps) (1923)
• Le Bal du comte d'Orgel (1924)