Rebordáns, Tui

Rebordáns
	Igrexa de San Bartolomeu de Rebordáns.
Concello	Tui
Provincia	Pontevedra
Coordenadas	42°04′00″N 8°40′15″O / 42.0666165, -8.6708309
Poboación	1.198 hab. (2014)
Entidades de poboación	15
	[ editar datos en Wikidata ]

Para outras páxinas con títulos homónimos véxase: Rebordáns.

San Bartolomeu de Rebordáns é unha parroquia que se localiza no concello de Tui. Segundo o padrón municipal de 2004 tiña 1.152 habitantes (608 mulleres e 544 homes), distribuídos en 15 entidades de poboación, o que supón un aumento en relación ao ano 1999 cando tiña 1.113 habitantes. Segundo o IGE, no 2014 a súa poboación medrara ata os 1.198 habitantes, sendo 574 homes e 624 mulleres.

Patrimonio

A igrexa de San Bartolomeu de Rebordáns foi construída sobre unha antiga necrópole romano-sueva, situada a carón da vía XIX do itinerario de Antonino. O templo actual é do século XII, pero conserva vestixios anteriores. En 1071 foi elixida como sé episcopal do bispado de Tui polo rei García, logo de ser saqueada Tui nos ataques normandos. Estivo ligada a un mosteiro beneditino até o 30 de novembro de 1225.

Ten planta basilical de tres naves con tres ábsidas, de forma rectangular os laterais e semicircular o central, cubertos con bóvedas de canón, e rematada en cascarón a bóveda da ábsida central. O teito das naves é de madeira.

A fachada orixinal foi substituída na Idade Moderna pola neoclásica actual. Ten capiteis historiados e pinturas murais do século XVII, descubertas na ábsida. No altar maior consérvase unha escultura de pedra policromada de San Bartolomeu de estilo románico, atopada baixo o pavimento da capela maior.

O bispo Diego Xelmírez levou do templo as reliquias de San Froitoso á catedral de Santiago de Compostela, xunto coas doutros santos veneradas na diocese de Braga.^[2]

Xunto á igrexa hai un cruceiro de 1770.

Véxase tamén

San Bartolomeu de Rebordáns.
Cruceiro de San Bartolomeu de Rebordáns.
Estela Romana localizada en Rebordáns (Tui) e custodiada no museo de Pontevedra

Lugares e parroquias

Lugares de Rebordáns

Lugares da parroquia de Rebordáns no concello de Tui (Pontevedra)
O Arroio \| Curuxeiras \| A Devesa \| O Foxo \| Funchal \| Laranxeiras \| A Lavandeira \| A Manteigada \| O Montiño \| O Outeiro \| Paredes \| Pexegueira \| O Telleiro \| Vilanova \| O Virxe do Camiño

Parroquias de Tui

Galicia \| Provincia de Pontevedra \| Parroquias de Tui
Areas (Santa Mariña) \| Baldráns (Santiago) \| Caldelas de Tui (San Martiño) \| Guillarei (San Mamede) \| Malvas (Santiago) \| Paramos (San Xoán) \| Pazos de Reis (O Sagrario) \| Pexegueiro (San Miguel) \| Randufe (Santa María da Guía) \| Rebordáns (San Bartolomeu) \| Ribadelouro (Santa Comba) \| Tui (O Sagrario)

Notas

↑ ^1,0 ^1,1 Decreto 219/1998, do 2 de xullo, polo que se aproba o nomenclátor correspondente ás entidades de poboación da provincia de Pontevedra.
↑ "La iglesia de San Bartolomé, joya del románico", artigo de Antonio Bouzón no Faro de Vigo, 25 de outubro de 2003 (en castelán).

Véxase tamén

Outros artigos

Lugares de Tui.

[nomenclátor-1] 1,0 ^1,1 Decreto 219/1998, do 2 de xullo, polo que se aproba o nomenclátor correspondente ás entidades de poboación da provincia de Pontevedra.

[2] "La iglesia de San Bartolomé, joya del románico", artigo de Antonio Bouzón no Faro de Vigo, 25 de outubro de 2003 (en castelán).

[1]

[2]