Resident Evil: Umbrella Chronicles

Resident Evil: Umbrella Chronicles
Desenvolvedor(es)	Capcom
Distribuidora(s)	Capcom
Compositor(es)	Masafumi Takada
Lanzamento	13 de novembro de 2007
Xénero	shoot 'em up
Modos de xogo	videoxogo multixogador e videoxogo para un xogador
Clasificación	PEGI CERO
Plataforma(s)	Wii e PlayStation 3
Na rede
[ editar datos en Wikidata ]

Resident Evil: Umbrella Chronicles é un videoxogo de pistola pertencente á serie Resident Evil, producido por Capcom e lanzado en novembro de 2007 para Nintendo Wii. Inclúe diversos escenarios presentes noutras entregas da serie: Resident Evil 0, Resident Evil e Resident Evil 3.

Estilo de xogo

Trátase dun videoxogo de pistola sobre raís. É dicir, o xogador non move á personaxe, senón que esta ten unha ruta fixa executada pola videoconsola. O obxectivo é disparar e eliminar os inimigos de cada pantalla dentro dun límite de tempo. O control está adaptado aos mandos de Wii, podendo empregar o Wiimote ou o Wii Zapper. A medida que avanza a historia, o xogador gaña melloras para o armamento e pode descubrir documentos relativos a Umbrella, a corporación ficticia presente en toda a serie.

Sinopse

Umbrella Chronicles narra feitos acontecidos noutras entregas de Resident Evil: Resident Evil 0, Resident Evil e Resident Evil 3. Cada escenario presenta unha serie de inimigos distintivos e unha parella de personaxes propia: Rebecca Chambers e Billy Coen nas pantallas de Resident Evil 0, Jill Valentine e Ricardo Olivera nas de Resident Evil 3, por último, Chris Redfield e de novo Jill Valentine nas pantallas de Resident Evil.

Multixogador

O xogo consta dun multixogador cooperativo para dúas persoas, cada unha cun punteiro para disparar. Carece de multixogador en liña.

Recepción e crítica

A prensa especializada acolleuno con boas notas, acadando un 75 en Metacritic. IGN outorgoulle un 79 , mentres que GameSpy concedeulle un 70 .

Vendas

Capcom logrou vender 1,34 millóns de unidades desta entrega.