Robert Brown

Robert Brown

Retrato de Robert Brown en 1855
Biografía
Nacemento	21 de decembro de 1773 Montrose, Reino Unido
Morte	10 de xuño de 1858 (84 anos) Londres, Reino Unido
Lugar de sepultura	cemiterio de Kensal Green
Presidente da Sociedade Linneana de Londres
1849 – 1853 ← Edward Stanley (en) – Thomas Bell (en)  →
Datos persoais
Educación	Universidad Estatal de Sonora (en) Montrose Academy (en) Escola de Medicina da Universidade de Aberdeen (pt) Universidade de Aberdeen Marischal College (en)
Director de tese	Joseph Banks
Q89547790	Movemento browniano
Actividade
Campo de traballo	Botánica, Fisioloxía vexetal, criptógama e Microscopia
Ocupación	botánico, micólogo, naturalista, cirurxián, pteridólogo, briólogo, coleccionista de plantas
Empregador	Museo Británico
Membro de	Accademia delle Scienze di Torino (1845–) Royal Society (membro da Royal Society) (1811–) Real Academia das Ciencias de Suecia Real Academia de Artes e Ciencias dos Países Baixos Academia de Ciencias de Baviera Leopoldina Academia Prusiana das Ciencias Academia das Artes e das Ciencias dos Estados Unidos Academia francesa das ciencias Academia das Ciencias de San Petersburgo Real Academia Danesa de Ciencias e Letras
Participou en
18 de xullo de 1801	Expedición Flinders
Obra
Abreviación dun autor en botánica	R.Br.
Premios
(1839)  Medalla Copley  membro da Royal Society  membro de honra da Real Sociedade de Edimburgo  Orde do Mérito das Ciencias e as Artes  Membro da Academia Estadounidense das Artes e as Ciencias
Descrito pola fonte	Dictionary of National Biography Dicionario Enciclopédico Brockhaus e Efron Pequeno Dicionario Enciclopédico de Brockhaus e Efron

Robert Brown, nado en Montrose, Escocia o 21 de decembro de 1773, e finado en Londres o 10 de xuño de 1858, foi un médico, cirurxián e botánico escocés.

Traxectoria

Formado na Universidade de Edimburgo, é recordado, ademais de polo seu descomunal traballo de recompilación da flora de Australia, por ter definido o termo "núcleo celular" e por descubrir o movemento de axitación das partículas na superficie da auga (denominado movemento browniano non seu honor), aínda que non soubo determinar as súas causas (o fenómeno sería explicado en termos de cinemática molecular por Albert Einstein en 1905).

Alistouse nun rexemento como cirurxián en 1795. Aceptou un posto como naturalista a bordo do Investigator ao mando Mathews Findler, que estaba a punto de levantar áncora nunha viaxe cartográfica a Australia. Durante tres anos efectuou unha inxente investigación recolectando uns 3 400 espécimes, dos que uns 1 200 eran novos para a ciencia. Permaneceu en Australia até maio de 1807. Durante tres anos investigou sobre o material recolectado. En 1810 publicou os resultados das súas recoleccións na súa obra Prodromus Florae Novae Hollandiae et Insulae Van Diemen, a primeira relación taxonómica da flora de Australia.

Nun artigo científico que leeu na Sociedade Linneana de Londres en 1831 e que publicou en 1833, Brown deulle o nome ao núcleo das células eucariotas. Este núcleo xa fora observado antes, quizais xa en 1682 polo microscopista neerlandés Anton van Leeuwenhoek. En 1802 Franz Bauer debuxara o núcleo como unha característica normal das células vexetais. Pero Brown foi quen lle deu o nome que leva até a actualidade (dándolle creto ás ilustracións de Bauer). Tanto Bauer coma Brown crían que o núcleo non era universal; e Brown pensaba que era exclusivo das monocotiledóneas.

En 1827, examinando ao microscopio grans de pole, esporas de musgos e de Equisetum suspendidos en auga, Brown observou diminutas partículas con vacúolos nos grans de pole executando un continuo movemento aleatorio. Logo observou o mesmo movemento en partículas de po, anulando a súa anterior hipótese de que o movemento se debía a que o pole tiña vida. El mesmo non puido elaborar unha teoría explicatoria dese movemento, denominado máis tarde "movemento browniano" no seu honor.

Obras

• Obras publicadas por Robert_Brown

Eponimia

Física

Brunonia australis, cuxo xénero está dedicado a Brown

O movemento circulatorio das partículas en suspensiòns acuosas leva seu nome, "movemento browniano". Foi descrito orixinarimente en 1785 por Jan Ingenhousz en partículas de carbón suspendidas en alcohol. Marian Smoluchowski, case simultaneamente con Albert Einstein, describiu matematicamente o fenómeno.

Botánica

Seu nome se conmemora no xénero de herbáceas de Australia Brunonia, e en numerosas especies australianas: Eucalyptus brownii, o musgo Tetrodontium brownianum, especie que descubriu mentres vivía en Roslin, Edimburgo, cando era estudante. Aínda pode verse no lugar do seu descubrimento.

Abreviatura

A abreviatura R.Br. emprégase para recoñecer a Robert Brown como autoridade na descrición e taxonomía en botánica.

Véxase tamén

Bibliografía

• Brown, Robert (1866). The Miscellaneous Botanical Works of Robert Brown 1. Londres: Robert Hardwicke. 
• Brown, Robert (1866). The Miscellaneous Botanical Works of Robert Brown 2. Londres: Robert Hardwicke. 
• Mabberley, David (1985). Jupiter botanicus: Robert Brown of the British Museum. British Museum (Natural History). ISBN 978-3-7682-1408-7. 
• Mabberley, David (2002), 'Brown, Robert', en R. Aitken e M. Looker (eds), Oxford Companion to Australian Gardens, South Melbourne, Oxford University Press, pp. 108–10.
• Moore, D. T. e Groves, E.W . A catalogue of plants written by Robert Brown (1773–1858) in New South Wales: first impressions of the flora of the Sydney region. Archives of Natural History 24 (2): 281–293 (xuño de 1997).
• Munster, P., (2002), 'Robert Brown at Swan Bay', Australian Garden History, 14 (3), p. 10.