Romualdo II de Benevento

Romualdo II de Benevento

Biografía
Nacemento	século VII
Morte	732
Actividade
Ocupación	aristócrata
Outro
Título	Duque de Benevento (706–732)
Familia	Gausos
Fillos	Xisulfo II de Benevento
Pais	Xisulfo I de Benevento   e Winiberga (?)

Romualdo II o Novo, finado en 732, foi o fillo de Xisulfo I e Winiperga. Sucedeuno como duque de Benevento á súa morte, que aparece datada diferentemente segundo as fontes 698, 706, ou 707.

Traxectoria

Segundo Paulo Diácono, Xisulfo reinou dezasete anos, cousa que implicaría que morreu no 698, pero Paulo tamén fai mención de accións que parece que acaeceron certamente sobre o 705. Dálle a Romualdo un reinado de 26 anos, o que sitúa a súa morte en 724, 731, ou 732.

Romualdo entrou en conflito tanto co Ducado de Spoleto como co Ducado de Nápoles durante o seu longo reinado. O conflito con este último levouno a un enfrontamento co papado tamén. Tomoulle o remoto castelo de Cumas a Xoán I de Nápoles en 716 e ignorou as peticións do papa Gregorio II e as súas ofertas de compensacións se o restituía. En 717, o papa apoiou a expedición de Xoán que venceu definitivamente o exército do seu gastaldo e desprazou aos seus homes de Cumas.

Moeda longobarda (sólido) cuñada a nome de Romualdo II de Benevento

Romualdo casou dúas veces: primeiro con Guntberga (ou Gumperga), filla de Aurona, irmá do rei Liutprando e despois con Ranigunda, filla do Duque Gaidualdo de Brescia. Sucedeuno o fillo que tivo con Gumperga, Xisulfo II, pero era menor de idade e foi desprazado polo usurpador Adelais, aínda que se lle perdoou a vida.

Véxase tamén

Bibliografía

• Lexikon des Mittelalters: Romuald II. Herzog von Benevent (698-724).
• Paulo Diácono. Historia Langobardorum. Dispoñíbel en Northvegr.

Ducado de Benevento
Segue a: Xisulfo I de Benevento	Romualdo II de Benevento (706-732)	Precede a: Adelais de Benevento
	-