Rupia de Mauricio

Rupia de Mauricio
Mauritian rupee (inglés) Roupie mauricienne (francés) Roupi morisyen (crioulo mauriciano)
Código:	MUR
Ámbito:	Mauricio
Símbolo:	₨ ou Mau ₨
Fracción:	100 (cents)
Moedas:	1, 5, 10 e 20 ₨
Billetes:	25, 50, 100, 200, 500, 1000, 2000 ₨
Emisor:	Banco de Mauricio
Taxa de troco: 03-09-2011	1 EUR = 39,7859 MUR 1 USD = 27,9995 MUR
Troco actual

A rupia de Mauricio (en inglés Mauritian rupee, en francés roupie mauricienne, e en crioulo mauriciano roupi morisyen) é a moeda oficial de Mauricio. O seu código ISO é MUR e adoita abreviarse como Rs, o Mau Rs para diferenciala doutros tipos de rupia. Cada rupia divídese en 100 céntimos (cents / centimes / santim), fracción que actualmente xa non circula.

Historia

A rupia foi instaurada por lei en 1876 como moeda local de Mauricio. A rupio foi elixida a causa da masiva circulación de rupias indias que comportou a inmigración de cidadáns indios a Mauricio. A moeda foi adoptada en 1877 en substitución da rupia india, a libra esterlina e o dólar de Mauricio, moedes anteriormente en circulación na illa. Ao troco, a rupia de Mauricio equivalía á rupia india e valía medio dólar de Mauricio, mentres que a libra se canviaba a 10 1⁄4 rupias.

Contra o ano 1934, a rupia de Mauricio tiña un troco fixo respecto á rupia india, mais a diferenza desta, a moeda de Mauricio xa era unha moeda decimal dende o principio. A rupia de Mauricio tamén circulou en Seychelles ata 1914, ano no que foi substituída pola rupia das Seychelles en termos de paridade (1=1).

Moedas

As primeiras moedas actualmente en circulación foron cuñadas en 1987, esta serie comprendía os valores de 1, 5 e 20 cents ademais de 1/2, 1 e 5 Rupias, estas moedas foron substituíndo progresivamente á anterior serie emitida co busto de Isabel II. Nas emisións máis recentes, as moedas de 1 cent deixaron cuñarse e introducíronse novos valores de 10 e 20 rupias nos anos 1997 e 2007 respectivamente.

Denominación	Circula dende	Forma	Metal		Diámetro	Canto	Deseño no anverso	Deseño no reverso
			Anel	Centro
1 Cent	1987	Circular	Cobre		-	-	Sir Seewoosagur R.	Valor facial
5 Cent	1987	Circular	Cobre		-	-	Sir Seewoosagur R.	Valor facial
20 Cents	1987	Circular	Níquel		-	-	Sir Seewoosagur R.	Valor facial
1/2 Rupia	1987	Circular	Níquel		25 mm	Estriado	Sir Seewoosagur R.	Escudo e facial
1 Rupia	1987	Circular	Níquel		27 mm	Estriado	Sir Seewoosagur R.	Escudo e facial
5 Rupias	1987	Circular	Níquel		31 mm	-	Sir Seewoosagur R.	Valor facial
10 Rupias	1997	Heptagonal	Níquel		28 mm	Liso	Sir Seewoosagur R.	Valor facial
20 Rupias	2007	Circular	Latón	Níquel	28 mm	Estriado	Sir Seewoosagur R.	Valor facial

As moedas de 20 Rupias do 2007, son o último facial emitido polo Banco de Mauricio, a moeda é bimetálica.

Billetes

Actualmente hai en circulación billetes de 25, 50, 100, 200, 500, 1.000 e 2.000 rupias.

Denominación	Anverso	Reverso
25 rupias	Sir Moilin Jean Ah-Chuen	Rodrigues
50 rupias	Mr Joseph Maurice Paturau	Le Caudan
100 rupias	Mr Renganaden Seeneevassen	Court House
200 rupias	Sir Abdool Razack Mohamed	Mercado de Mauricio
500 rupias	Mr Sookdeo Bissoondoyal	Universidade de Mauricio
1000 rupias	Sir Charles Gaëtan Duval	State House
2000 rupias	Sir Seewoosagur Ramgoolam	Touro e cana de azucre

Véxase tamén

Outros artigos

• Rupia

Ligazóns externas

• Ministerio de Finanzas e Desenvolvemento Económico