Rye, East Sussex

Para outras páxinas con títulos homónimos véxase: Rye.

Rye, East Sussex

Localización
50°57′N 0°44′L
Estado	Reino Unido
País	Inglaterra
Rexións	Sudeste de Inglaterra - South East England
Condado cerimonial	East Sussex
Condado non metropolitano	East Sussex (en)
Distrito non metropolitano	Rother (pt)
Poboación
Poboación	4.483 (2021) (1.067,38 hab./km²)
Xeografía
Superficie	4,2 km²
Identificador descritivo
Código postal	TN31
Fuso horario	UTC±00:00
Prefixo telefónico	01797
Sitio web	ryetowncouncil.gov.uk

Rye é unha localidade situada no distrito non metropolitano de Rother, no condado de East Sussex, Inglaterra, Reino Unido.

Situación

Atópase a uns dous quilómetros do mar aberto e está na confluencia de tres ríos: o Rother, Tillingham e Brede.

Historia

Na época medieval, con todo, era un membro importante da confederación Cinque Ports, xa que estaba á cabeza dunha enseada da Canle Inglés e case enteiramente rodeada do mar.

Rye é oficialmente unha parroquia civil (Civil Parrish), pero polas súas raíces históricas ten o status de cidade. Durante a súa historia, a súa asociación co mar incluíu o abastecemento de barcos ao servizo do Rei en tempos de guerra, e estivo involucrado con bandas de contrabando dos séculos XVIII e XIX, como a famosa Hawkhurst Gang que utilizaba as súas pousadas, como The Mermaid Inn. O Olde Bell Inn, conectado por un pasadizo secreto.

Outros nomes

Rye é o nome en lingua inglesa para o centeo e tamén como en galego (Centeo, Centeno, Orxo, Orjo, Orjales...) é un apelido; por exemplo leva ese apelido a botánica Barbara Lynette Rye, que é tamén a súa abreviatura taxonómica para os vexetais (RYE).

Varias cidades levan o nome de Rye nos Estados Unidos, nos estados de Nova York e Nova Hampshire.

Economía

Esas raíces históricas e o seu encanto converten o lugar nun destino turístico, e unha gran parte da súa economía baséase nisto: hai unha serie de hoteis, casas de hóspedes, pousadas, salóns de té e restaurantes,, así como outras atraccións para os visitantes. Hai unha pequena frota pesqueira e Rye Harbour ten instalacións para iates e outras embarcacións.

Demografía

No censo de 2001 tiña unha poboación de 4009 habitantes, pero na década de 2000 tivo un enorme incremento, case dobrando a súa poboación. No censo de 2012 tiña unha poboación de 9041 habitantes.

Na cultura popular

Rye é a poboación na que EF Benson sitúa -modificándoa- as súas novelas Mapp e Lucy, chamándoa Tilling.