Sandalio Alonso de la Riva
| Biografía | |
|---|---|
| Nacemento | 8 de maio de 1904  Boñar, España |
| Morte | 19 de xullo de 1988 (84 anos) Vilagarcía de Arousa, España |
| Alcalde | |
| | |
| Actividade | |
| Ocupación | político |
| Partido político | Partido Socialista Obrero Español |
| Familia | |
| Cónxuxe | Rosina Villaverde Otero |
Sandalio Alonso de la Riva, nado en Boñar (provincia de León) o 8 de maio de 1904 e finado en Vilagarcía de Arousa o 19 de xullo de 1988,[1] foi un político español.
Traxectoria
[editar | editar a fonte]Militou nas Juventudes Socialistas e afiliouse ao PSOE en 1926. Na Segunda República foi alcalde de Boñar. Co golpe de Estado do 18 de xullo de 1936 fuxiu a Asturias. En Asturias ocupou postos de mando no exército republicano. Ao remate da guerra marchou a Francia polos Pireneos. En Bordeos coñeceu a Rosina Villaverde, filla de Elpidio Villaverde. En 1939 exiliouse en Chile onde estivo algún tempo, para trasladarse a Arxentina en 1942, onde casou con Rosina. En Buenos Aires pertenceu á Agrupación Socialista Pablo Iglesias, na que ocupou diversos cargos directivos. En 1979 regresou coa súa muller a Vilagarcía, e foi secretario da agrupación socialista local ata a súa morte.[2]
Recoñecementos
[editar | editar a fonte]O 8 de decembro de 1986 foi homenaxeado en Vilagarcía polos seus 60 anos de exemplar militancia socialista.
Notas
[editar | editar a fonte]- ↑ La Voz de Galicia, 20-7-1988, p. 28.
- ↑ "Todos recuerdan a Sandalio", La Voz de Galicia, 19-7-1994, Arousa 46.
