Sangue sobre a neve

Sangue sobre a neve
Título orixinal	Sangue sobre a neve e Sang damunt la neu
Autor/a	Manuel Forcadela
Orixe	Galiza
Lingua	galego
Colección	colección Cómplice, nº 5
Xénero(s)	Novela negra
Editorial	edicións do Cumio
Data de pub.	maio 1990
Formato	rústica con lapelas 115 x 180 mm
Páxinas	162
ISBN	ISBN 978-84-8289-067-8
Seguido por	Barato, barato
[ editar datos en Wikidata ]

Sangue sobre a neve é unha novela negra escrita por Manuel Forcadela publicada en maio de 1990 por Edicións do Cumio. É a primeira entrega das aventuras de Toni Barreiro.

Trama

A acción desenvólvese en Vigo. Toni Barreiro é un ex-lexionario e ex-boxeador (alcumado "O Touro do Calvario") que traballa para unha xestoría, encargándose de lograr que a xente pague débedas pendentes.

Encárganlle un cobro de 50 millóns de pesetas (el vai a comisión, cobrando sempre un 10% do importe), que debe un xerente dunha empresa que apareceu morto na praia do Alcabre. Vese inmerso nunha trama na que hai tráfico de cocaína por medio, e na que ten un asunto amoroso coa muller do falecido cun tiroteo de por medio, logo dunha fuxida nun Citroën desde Vigo a Baiona e logo a Portugal.

Finalmente, e despois de verse ameazado e golpeado en varias ocasións, logra desenmascarar o asunto coa axuda de Katty (a súa moza, que traballa de stripper nun club), de Elvis (un amigo), e de Valiñas (un comisario de policía).

Ó longo da novela, vaise facendo un retrato da cidade olívica, pasando por barrios como O Berbés ou Bouzas. A choiva é o frío invernais, así como o gris dos edificios, forman parte da paisaxe urbana, que acolle situacións protagonizadas por xente de todo tipo, desde malfeitores sen escrúpulos a apaixonadas bailarinas.

Traducións

• Ao catalán por Josep Pascual co título de Sang damunt la neu publicado en 1992 por Pirene, Col. La Maleïda.

Véxase tamén

Ligazóns externas

• Ficha na páxina da editorial