Servizo Marítimo da Garda Civil

Patrulleiro Río Miño, unha das embarcacións de maior porte do SEMAR.

O Servizo Marítimo da Garda Civil constituíuse por un Real Decreto do 22 de febreiro de 1991. Dende 1997 intégrase nel a Unidade de Actividades Subacuáticas (U.A.S.), cuxa orixe remóntase a 1981.

Organización

Organízase nunha Xefatura, situada no mesmo complexo de edificios que alberga a Dirección Xeral da Garda Civil, en Madrid, e 22 Servizos Marítimos Provinciais, que abarcan todo o litoral español, ademais de 19 Grupos Especiais de Actividades Subacuáticas. Ó fronte está o Coronel Xefe do Servizo Marítimo da Garda Civil.

Misións

A Cabaleiro fronte á illa de Toralla.

As misións que teñen encomendadas son de seis tipos:

• Xudicial: prevención e investigación de delitos.
• Gobernativo: custodia de costas e portos e prevención da inmigración irregular.
• Fiscal: Resgardo Fiscal do Estado, prevención e represión contra o contrabando.
• Administrativo: protección da natureza e o medio ambiente no medio mariño, control e inspección pesqueira, e protección do patrimonio arqueolóxico submarino.
• Militar: as que lle encomendara o Goberno e o Ministerio de Defensa.
• Varias: misións de paz no estranxeiro, colaboración coa Sociedade de Salvamento e Seguridade Marítima (SASEMAR), en auxilios e remolques.

Bases

O Servizo Marítimo dispón de unidades en tódalas provincias costeiras da España peninsular, en Ceuta e nas Illas Baleares e Canarias. Os portos onde ten as súas bases son Alxeciras, Alacant, Almería, Barcelona, Benalmádena, Cádiz -Estación Naval de Puntais-, Cartaxena, Castelló, Ceuta, Corralejo (As Palmas), A Coruña, Los Cristianos (Santa Cruz de Tenerife), L'Escala (Xirona), Xixón, Huelva, Lanzarote, Marín -Escola Naval Militar-, Motril, Palma, Las Palmas de Gran Canaria, Pasaia (Guipúscoa), Santander, Santurtzi, Torredembarra (Tarragona), Valencia e Viveiro.

Medios

Con base en Galicia

Código	Nome / nº de serie	En servizo	Baixa	Base	Clase / observacións
L04	EB7242	1992	en servizo	Marín	Bazán Saeta-39
M10	EB7867	1993	en servizo	A Coruña	Rodman-55M
M13	EB2232	1996	en servizo	Marín / Vigo	Rodman-55M
M31	Corvo Mariño	2006	en servizo	Marín	Rodman-58
A06	Río Andarax	2003	en servizo	A Coruña	Rodman-101
A15	Río Duero	2005	en servizo	Marín	Rodman-101
A19	Cabaleiro	2008	en servizo	Marín	Rodman-101

Galería de imaxes

• 
  A M10 patrullando en augas do porto da Coruña.
• 
  A Corvo Mariño regresando á Base Naval de Marín.
• 
  A06 Río Andarax en 2012.
• 
  A15 Río Duero.
• 
  A Cabaleiro, A19, na Base Naval de Marín.
• 
  Escudo
• 
  Insignia

Véxase tamén

• Grupo de Acción Rápida.
• Grupos de Rescate e Intervención en Montaña.
• Servizo de Protección da Natureza.
• Unidade Especial de Intervención.

Ligazóns externas

• Páxina oficial. Arquivado 13 de decembro de 2009 en Wayback Machine.