Shadow of the Colossus
| Shadow of the Colossus | |
|---|---|
 | |
| Desenvolvedor(es) | SIE Japan Studio Team Ico |
| Distribuidora(s) | Sony Computer Entertainment |
| Director(es) | Fumito Ueda |
| Produtor(es) | Kenji Kaido |
| Deseñador(es) | Fumito Ueda |
| Compositor(es) | Kow Otani |
| Lanzamento | América do Norte: 18 de outubro de 2005 Xapón: 27 de outubro de 2005 |
| Xénero | Acción e aventuras |
| Modos de xogo | Un xogador |
| Clasificación | PEGI  CERO  USK  |
| Plataforma(s) | PlayStation 2 |
| Na rede | |
| http://www.jp.playstation.com/scej/title/wander/ps2/st.html | |
   | |
| [ editar datos en Wikidata ] | |
Shadow of the Colossus, estreado no Xapón como Wander and the Colossus (ワンダと巨像 (Wanda to Kyozō?)), é un videoxogo de acción e aventuras desenvolvido por SIE Japan Studio e Team Ico, e distribuído por Sony Computer Entertainment para a PlayStation 2. O xogo foi publicado en América do Norte e no Xapón en outubro de 2005 e na rexión PAL en febreiro de 2006.[1] Foi dirixido por Fumito Ueda en desenvolvido en SCEI's International Production Studio 1, tamén coñecido como Team Ico. Tivo o mesmo equipo de desenvolvemento que fixo o videoxogo de culto Ico,[2][3] do cal Shadow of the Colossus está considerado un sucesor espiritual.
O argumento do xogo céntrase nun mozo chamado Wander que entra nunha terra prohibida. Wander debe viaxar ó longo de vasto terreo a cabalo e derrotar dezaseis grandes seres, coñecidos sinxelamente como colosos,[4] co obxectivo de restaurar a vida dunha rapaza chamada Mono. O xogo é pouco convencional co xénero de acción e aventuras xa que non ten vilas nin alxubes para explorar, non hai outras personaxes coas que interactuar e non hai outros inimigos que derrotar que os colosos.[5][6] Shadow of the Colossus foi descrito como un xogo crebacabezas, no que se deben identificar as debilidades dos diferentes colosos e utilizalas para derrotalos.[7][8]
Citado como un influente título na industria dos videoxogos e un dos mellores videoxogos de tódolos tempos, Shadow of the Colossus é considerado como un importante exemplo dos videoxogos como unha arte debido ós seus deseños de paisaxes minimalistas, o modo de xogo inmersivo e a viaxe emocional. Recibiu a aclamación da crítica e tivo tamén boas vendas en comparanza con Ico, debido en parte a unha gran campaña de mercadotecnia. A banda sonora tamén foi moi eloxiada. O xogo gañou numerosos premios polo seu son, deseño e calidade. Shadow of the Colossus tamén é unha referencia en debates sobre a calidade artística e as perspectivas emocionais dos videoxogos.[9]
Unha versión remasterizada para PlayStation 3 foi desenvolvida por Bluepoint Games e estreada como The Ico & Shadow of the Colossus Collection en setembro de 2011. Contén gráficos de alta definición (HD), contidos adicionais eliminados na versión americana, trofeos para PlayStation Network e soporte 3D.[10] A versión HD foi estreada de xeito separado no Xapón. En febreiro de 2018, estreouse un remake en alta definición para a PlayStation 4.
Notas
[editar | editar a fonte]- ↑ IGN, ed. (2006). "IGN: Shadow of the Colossus". Arquivado dende o orixinal o 08 de decembro de 2012. Consultado o 29 de xullo de 2006.
- ↑ Reed, Kristan. Eurogamer.net, ed. "The Bluffer's Guide To PS2 Cult Classics". Consultado o 12 de abril de 2007.
- ↑ PlayStation.com Australia site staff. PlayStation.com Australia, ed. "NICO: the game that never was". Arquivado dende o orixinal o 29 de agosto de 2006. Consultado o 30 de xullo de 2006.
- ↑ Enterbrain, ed. (2006). Wander to Kyozō Kōshiki Kōryaku & Setteibon Inishie no Chi Kitan (en xaponés). p. 140.
- ↑ McNamara, Andy; Berghammer, Billy (2006). Game Informer, ed. "Colossal Creation: The Kenji Kaido and Fumito Ueda Interview". Arquivado dende o orixinal o 03 de setembro de 2006. Consultado o 9 de xullo de 2006.
- ↑ Kohler, Chris (9 de marzo de 2006). Wired News, ed. "Behind the Shadow: Fumito Ueda". Arquivado dende o orixinal o 29 de xuño de 2006. Consultado o 9 de xullo de 2006.
- ↑ Shoemaker, Brad (17 de outubro de 2005). GameSpot, ed. "Shadow of the Colossus for PlayStation 2 Review". Consultado o 29 de abril de 2014.
- ↑ Reed, Kristan (2005). Euro Gamer, ed. "Review – Shadow of the Colossus". Consultado o 21 de xullo de 2006.
- ↑ Chicago Sun-Times (ed.). "Okay, kids, play on my lawn". Arquivado dende o orixinal o 11 de agosto de 2010. Consultado o 09 de febreiro de 2018.
- ↑ Shuman, Sid (15 de setembro de 2010). SCEA, ed. "Ico and Shadow of the Colossus Collection hits PS3 Spring 2011 with 3D". Consultado o 16 de setembro de 2010.
