Stanley Matthews

Stanley Matthews

Biografía
Nacemento	1 de febreiro de 1915 Hanley, Reino Unido (en)
Morte	23 de febreiro de 2000 (85 anos) Newcastle-under-Lyme, Reino Unido
Causa da morte	doenza
Altura	174 cm
Actividade
Ocupación	futbolista, autobiógrafo, adestrador de fútbol
Carreira militar
Rama militar	Royal Air Force
Nacionalidade deportiva	Inglaterra
Deporte	fútbol
Posición de xogo	Extremo esquerdo e dianteiro
Traxectoria   Equipo 1932–1947 Stoke City F.C. 259 (51) 1947–1961 Blackpool F.C. 379 (17) 1961–1965 Stoke City F.C. 59 (3)   Selección nacional 1934–1956 The Football League XI 13 (2) 1934–1957   Inglaterra 54 (11) 1947–1955 Seleção Britânica de Futebol 2 (0)   Adestrador 1965–1968 Port Vale Football Club (pt)
Participou en
1954	Mundial de Fútbol Suíza 1954
1950	Mundial de Fútbol Brasil 1950
Familia
Fillos	Stanley Matthews
Premios
Comandante da Orde do Imperio Británico  Ontario Sports Hall of Fame  Balón de Ouro  Knight Bachelor

Sir Stanley Matthews (1 de febreiro de 1915 - 23 de febreiro do 2000) foi un dos mellores xogadores de fútbol de Inglaterra. Foi coñecido como 'O mago do caneo'.

Matthews naceu Seymour Street, Hanley, Stoke-on-Trent sendo o terceiro de catro fillos. O seu pai, Jack Matthews, foi un coñecido boxeador a nivel local, que lle aprendeu ó pequeno Stanley o interese polos deportes, así coma unha forte disciplina que seguiu toda a súa carreira deportiva.

Xogaba de extremo dereito, e xa dende moi xove foi internacional nas categorías inferiores. O seu primeiro contrato coma profesional asinouno no ano 1932 co Stoke City F.C.. Dous anos despois, en 1934 faría a súa primeira aparición no equipo nacional.

Durante a segunda guerra mundial 'trocou' o terreo de xogo polas forzas armadas, onde serviu na RAF. Unha vez rematada foi transferido ó Blackpool F.C. A Fa Cup que gañaron no ano 1953 coñécese coma a 'Final de Matthews' debido ao seu xogo nese encontro.

Xogou coa selección ata o ano 1957, e segue sendo o xogador máis vello que xamais xogou coa selección inglesa.

En 1961 volta ó Stoke City, onde se retiraría en 1965 despois de cumprir 50 anos.

No ano 1965 é nomeado Cabaleiro do Imperio Británico pola súa carreira deportiva.

Coma dato curioso cabe dicir que en máis de setecentos encontros endexamais foi expulsado dun terreo de xogo.

Monumento en homenaxe de Stanley Matthews

Hoxe en día hai dúas estatuas que lembran ó xogador: Unha no estadio do Stoke City e outra no centro de Hanley. A lenda das mesmas di: O seu nome é un simbolo da beleza deste xogo, a súa fama eterna e internacional, a súa deportividade e modestia universalmente aclamadas. Un xogador máxico, da xente, para a xente.