Suabia (rexión administrativa)

Suabia
Localización
	48°30′N 10°30′L / 48.5, 10.5
Estado	Alemaña
Estado federado	Baviera
Capital	Augsburgo
Contén a división administrativa	Aichach-Friedberg (pt) ; Augsburg (pt) ; Augsburgo ; Dillingen (pt) ; Donau-Ries (pt) ; Günzburg (pt) ; Kaufbeuren (pt) ; Kempten (pt) ; Lindau (pt) ; Memmingen (pt) ; Neu-Ulm (pt) ; Oberallgäu (pt) ; Ostallgäu (pt) ; Unterallgäu (pt)
Poboación
Poboación	1.917.979 (2021) (191,95 hab./km²)
Xeografía
Superficie	9.992,03 km²
Altitude	560 m
Punto máis alto	Hochfrottspitze (en) (2.649 m)
Comparte fronteira con	Alta Baviera, leste ; Franconia Media, norte
Organización política
• Xefe do goberno	Erwin Lohner (pt)
Membro de	Q2513878
Código NUTS	DE27
Clave de rexión en Alemaña	097
Páxina web	bezirk-schwaben.de

Para outras páxinas con títulos homónimos véxase: Suabia (homónimos).

Suabia (en alemán Schwaben, en bávaro Schwobm) é unha das sete rexións administrativas (Regierungsbezirk) en que está dividido o estado federado alemán de Baviera.^[1]

Está situada no suroeste de Baviera. Limita con Baden-Württemberg, a Franconia Media e a Alta Baviera. Ademais ten unha fronteira exterior con Austria, que se encontra aberta grazas ao Acordo de Schengen.

A súa capital administrativa é Augsburgo.^[2]

División administrativa

A rexión de Suabia está composta por catro cidades-distrito (Kreisfreie Städte) e dez distritos rurais (Landkreise):

Cidades-distrito

Distritos rurais

Distrito de Aichach-Friedberg (Landkreis Aichach-Friedberg)
Distrito de Augsburgo (Landkreis Augsburg)
Distrito de Dilinga (Landkreis Dillingen a. d. Donau)
Distrito de Danubio-Ries (Landkreis Donau-Ries)
Distrito de Gunzburgo (Landkreis Günzburg)
Distrito de Lindau (Landkreis Lindau am Bodensee)
Distrito de Novo Ulm (Landkreis Neu-Ulm)
Distrito de Alta Algovia (Landkreis Oberallgäu)
Distrito de Algovia Oriental (Landkreis Ostallgäu)
Distrito de Baixa Algovia (Landkreis Unterallgäu)

Poboación

Evolución histórica da poboación de Suabia

1939: 934 311
1950: 1 293 734
1961: 1 340 217
1970: 1 467 454
1987: 1 546 504
2002: 1 776 465
2005: 1 788 919
2006: 1 786 764
2008: 1 787 995
2010: 1 785 875
2015: 1 846 020
2019: 1 899 442

Historia

A rexión forma parte da rexión histórica de Suabia e en tempos pasados foi gobernada por duques da dinastía Hohenstaufen.

Véxase tamén: Dinastía Hohenstaufen.

Despois da decapitación do duque de Suabia Conradino en Nápoles en 1268, seu tío, o duque bávaro Luís herdou algunhas das posesións de Conradino en Suabia.

En 1803, coa mediatización e secularización alemá, Baviera adquiriu os territorios da Suabia Oriental, que se fusionaron co Palatinado-Neuburgo, constituíndo a "Provincia Bávara de Suabia", cuxa capital encontrábase en Ulm.

Despois da fundación do Reino de Baviera, o estado reorganizouse totalmente e, en 1808, dividiuse en 15 rexións gobernamentais administrativas (en alemán: Regierungsbezirke, singular Regierungsbezirk), en Baviera chamadas Kreise (singular: Kreis). Estas creáronse á maneira dos departamentos franceses, bastante uniformes en tamaño e poboación, e recibiron o nome dos seus principais ríos.

En 1808 este territorio dividiuse en tres distritos (Oberdonaukreis, Lechkreis, Illerkreis) e, en 1817 foron reunidos de novo no distrito Oberdonaukreis, cuxa sede era Augsburgo.

Nos anos seguintes, debido aos cambios territoriais (por exemplo, a perda do Tirol alemán e a adquisición do Palatinado renano), o número de Kreise reduciuse 15 a 8. En 1837, o rei Lois I de Baviera cambiou o nome dos Kreise aos nomes territoriais históricos. Isto tamén implicou algúns cambios fronteirizos ou intercambios territoriais. Así, o nome do distrito cambiou a distrito de Suabia e Neoburgo, en honor ao ducado de Suabia, xa que o actual distrito conformaba os territorios do leste do antigo ducado.

Durante o período nazi, o 1 de outubro de 1928, a rexión separouse do resto de Baviera para formar o Gau Schwaben, sendo reincorporada a Baviera despois da segunda guerra mundial, como distrito de Suabia.

Economía

O produto interior bruto (PIB) da rexión foi de 74 800 millóns de euros en 2018, o que representaba o 2,2 % da produción económica alemá. O PIB per cápita axustado ao poder adquisitivo foi de 36 500 euros, o 121 % da media da Unión Europea no mesmo ano. O PIB por empregado foi o 101 % da media da UE.^[3]

Notas

↑ Berg-Schlosser, Dirk (1993). Political Culture in Germany. p. 102. ISBN 978-1-3492-2767-9.
↑ Páxina oficial de Augsburgo (en alemán).
↑ "Regional GDP per capita ranged from 30% to 263% of the EU average in 2018" (PDF). Eurostat.

Véxase tamén

Outros artigos

Ligazóns externas

Goberno da Franconia Media
Bayerische Landeszentrale für politische Bildungsarbeit Arquivado 18 de marzo de 2005 en Wayback Machine.

[1] Berg-Schlosser, Dirk (1993). Political Culture in Germany. p. 102. ISBN 978-1-3492-2767-9.

[2] Páxina oficial de Augsburgo (en alemán).

[3] "Regional GDP per capita ranged from 30% to 263% of the EU average in 2018" (PDF). Eurostat.

[1]

[2]

[3]

v c e Rexións de Alemaña
Baden-Württemberg	Friburgo Karlsruhe Stuttgart Tubinga
Baviera	Alta Baviera Alta Franconia Alto Palatinado Baixa Baviera Baixa Franconia Franconia Media Suabia
Hessen	Darmstadt Gießen Kassel
Renania do Norte-Westfalia	Arnsberg Colonia Detmold Düsseldorf Münster
Saxonia	Chemnitz Dresde Leipzig