The Only Good Indian
| The Only Good Indian | |
|---|---|
| Ficha técnica | |
| Título orixinal | The Only Good Indian |
| Director | Kevin Willmott |
| Produtor | Tom Carmody |
| Guión | Tom Carmody |
| Intérpretes | Wes Studi J. Kenneth Campbell |
| Música | Kip Haaheim |
| Fotografía | Matt Jacobson Jeremy Osbern |
| Montaxe | Sean Blake Vicky Goetz Thad Nurski Mark von Schlemmer |
| Estrea | 16 de xaneiro de 2009 |
| Duración | 114 minutos |
| Orixe |  Estados Unidos |
| Na rede | |
| http://www.theonlygoodindian.com | |
     | |
The Only Good Indian é un filme estadounidense de 2009 dirixido por Kevin Willmott.
Sinopse
[editar | editar a fonte]A historia está ambientada en Kansas a comezos do século XX. Un rapaz kickapoo (intepretado por Winter Fox Frank) é secuestrado da súa familia e obrigado a asistir a un internado indio distante, deseñado para acadar a asimilación cultural dos nativos americanos na sociedade branca dominante. Cando escapa para volver coa súa familia, Sam Franklin (Wes Studi), un cazarrecompensas de orixe cherokee, é contratado para atopalo e devolvelo á escola.
Franklin, un antigo explorador indio para o exército dos Estados Unidos, renunciou á súa herdanza nativa. Adoptou o modo de vida do home branco, crendo que é a única forma de sobrevivir dos indios. Ao longo do camiño, un tráxico incidente impulsou á antiga némese de Franklin, o sheriff Henry McCoy (J. Kenneth Campbell), o "combatente indio", a perseguir tanto a Franklin como ao neno.
O filme presenta tanto a lingua kickapoo como membros do pobo kickapoo.[1]
Personaxes
[editar | editar a fonte]- Wes Studi como Sam Franklin
- J. Kenneth Campbell como Sheriff Henry McCoy
- Winter Fox Frank como Charlie
- Paul Butler como Harkin
- Thirza Defoe como Sally
- Christopher Wheatley como Mean Joe
- Laura Kirk como Miss Harris
- Delanna Studi como Aquene
Rodaxe
[editar | editar a fonte]O filme rodouse case na súa totalidade en Kansas, sendo a única excepción unha escena no Parque Estatal Ha Ha Tonka de Misuri, con localizacións en Monument Rocks e Fort Larned. A rodaxe tivo lugar entre 2007 e 2008.
Acollida
[editar | editar a fonte]Estreouse no Festival de Cinema de Sundance de 2009,[2] proxectado posteriormente noutros festivais de cinema.O filme valeulle a Willmott a honra de "Mellor director" no Festival de Cinema Indio Americano, así como mellor interpretación para Wes Studi e Winter Fox Frank no seu debut como o mozo kickapoo.[3]
Robert W. Butler da Kansas City Star considerou que Wilmott tivo boas intencións pero non se decatou do alcance da historia revisionista. Ao público gustoulle o filme mais non tivo unha ampla distribución.[4] The Hollywood Reporter eloxiou a interpretación de Studi.
Travis Keune, nunha recensión do filme no Festival de Cinema de Saint Louis, dixo que comezou cunha gran premisa e, aínda que a execución foi defectuosa, pagaba a pena vela.[5]
Notas
[editar | editar a fonte]- ↑ "Kickapoo Language, Culture to be Featured in Film". Hiawatha World Online. 2007-09-12. Arquivado dende o orixinal o 2012-08-10. Consultado o 2012-07-19.
- ↑ Butler, Robert. "Sundance audiences are loving Kevin Willmott’s ‘The Only Good Indian", The Kansas City Star, 24 de xaneiro de 2009
- ↑ "American Indian Film Festival". Arquivado dende o orixinal o 2010-07-28. Consultado o 2010-07-03.
- ↑ The Only Good Indian, Rotten Tomatoes website; consultado o 21 de xullo de 2016
- ↑ Review: 'The Only Good Indian', We Are Movie Geeks blog, 20 de novembro de 2009; consultado o 21 de xullo de 2016
