The Rapants
| The Rapants | |
|---|---|
 The Rapants en 2021. | |
| Orixe | Muros, |
| Período | 2018 - actualidade |
| Xénero(s) | garage punk Indie Indie disco |
| Membros | Xanma (voz principal, guitarra) Samuel (voz principal, guitarra) Matías (baixo, sintetizadores, voces) Xaquín (batería, voces) |
| Na rede | |
| http://www.therapants.es/ | |
    | |
The Rapants é unha banda de indie e garage formada en Muros no ano 2018. Nada baixo a influencia do grupo Terbutalina, a súa andaina iníciase da man de Xanma e Samuel (Rapante), ambos guitarristas da vila aos que non tardaría en sumarse Matías ao baixo e sintetizadores[1].
Cunha base musical apoiada en ritmos disco e guitarras indies característicos de agrupacións como The Smiths, The Growlers ou mesmo Novedades Carminha, o carácter destes catro mozos radica nunha actitude despreocupada e enérxica. As súas letras, para as cales empregan o galego e o castelán indistintamente, transmiten temáticas banais relacionadas con amores e desamores, a xuventude e a festa. En canto a estética, mesturan elementos alusivos ao rock and roll do último século, con detalles máis comúns na cultura urbana actual e a contracultura surfeira[2]. Dende o lanzamento do seu homónimo EP debut The Rapants en 2018, publicaron os traballos Que Fluya (2018), Andas por El (2019), Cariña de Raposo (2019), A Festa do Meu Enterro (2021), La Mítica (2021), así como o EP Nic Bahía (2021), gravado e producido por Hevi.
No ano 2023, lanzaron o seu primeiro LP fóra da municipal Sala Nasmo, O Corasón Como un After (2023), producido polo coruñés Iago Blanco nos Drum & Roll Studios. Neste traballo, The Rapants contaron coas colaboracións de diversas artistas do panorama galego como María Galdón, Grande Amore, Galician Army ou Miguel Cernadas de Terbutalina.[3]
Membros
[editar | editar a fonte]- Xanma – voz principal, guitarra
- Samuel – voz principal, guitarra
- Matías – baixo, sintetizadores, voces
- Xaquín – batería, voces
Traballos de estudio
[editar | editar a fonte]- The Rapants (2018, EP)
- Que Fluya (2018, EP)
- Andas Por El (2019, sinxelo)
- Cariña de Raposo (2019, álbum)
- A Festa do Meu Enterro (2021, sinxelo)
- La Mítica (2021, sinxelo)
- Nic Bahía (2021, EP)
- O Corasón Como un After (2023, álbum)
- La máquina del buen rollo (2024, álbum)
Notas
[editar | editar a fonte]- ↑ "The Rapants". www.therapants.es. Consultado o 2022-05-19.
- ↑ Clara Rial (16 de decembro de 2021). "The Rapants: "Hai unha pluralidade de bandas e de estilos musicais na Galiza que é necesario coidar"". Nós Diario. Consultado o 2022-05-19.
- ↑ "Los gallegos The Rapants estrenan "O corasón como un after", un álbum que nace de una arritmia". Quincemil (en castelán). Consultado o 2023-01-30.