Tomiño

Para outras páxinas con títulos homónimos véxase: Tomiño (homónimos).

Tomiño

Localización
41°59′46″N 8°43′53″O
Estado	España
Comunidade autónoma	Galicia
Provincia	Provincia de Pontevedra
Capital	O Seixo
Poboación
Poboación	13.836 (2023) (129,9 hab./km²)
Xeografía
Parte de	Mancomunidade Intermunicipal do Baixo Miño O Baixo Miño
Superficie	106,51 km²
Altitude	303 m
Comparte fronteira con	O Rosal Tui Valença Gondomar Oia Baiona Vila Nova de Cerveira
Organización política
• Alcaldesa	Sandra González
Eleccións municipais en Tomiño
Identificador descritivo
Código postal	36740
Fuso horario	UTC+01:00 UTC+02:00
Código INE	36054
Sitio web	tomino.gal

Tomiño é un concello da provincia de Pontevedra, pertencente á comarca do Baixo Miño. Segundo o IGE a súa poboación no ano 2016 era de 13 548 habitantes (6813 homes e 6735 mulleres). O seu xentilicio (véxase no Galizionario) é tomiñés/tomiñesa.

Demografía

Censo total (2021)	13 730 habitantes
Menores de 15 anos	1 668 (12,15 %)
Entre 15 e 64 anos	9 046 (65,88 %)
Maiores de 64 anos	3 016 (21,97 %)

Evolución da poboación de Tomiño   Fontes: INE e IGE.
1900	1930	1950	1981	2004	2009	2011	2012	2013	2014	2015	2016	2017	2018	2019	2020	2021	2022	2023
10 186	10 201	9 817	10 603	11 776	13 315	13 604	13 738	13 740	13 707	13 662	13 548	13 585	13 464	13 449	13 566	13 730
(Os criterios de rexistro censual variaron entre 1900 e 2004, e os datos do INE e do IGE poden non coincidir.)

Xeografía

Ten unha superficie de 106,6 km², e sitúase no antigo territorio de Turonio. A súa densidade de poboación é de 124,91 hab./km².

O municipio, limitado por montañas, forma parte do val do Miño e fai fronteira con Portugal. De forma natural, encóntrase enmarcado pola serra do Argallo ó oeste, que o separa do municipio do Rosal e de Oia; ó norte, a prolongación dos montes de A Groba e do Galiñeiro, limítao dos municipios de Baiona e Gondomar; ó leste continúan os contrafortes desta serra, que vai perdendo altitude a medida que se vai acercando as terrazas fluviais do Miño, relevo que o separa do municipio de Tui; e ó sur, separado tamén polo río Miño, limita con Portugal.

O concello está conectado a través da estrada PO-552 (Tui - A Guarda) coa autoestrada do Atlántico.

Clima

O concello ten temperaturas medias suaves, con precipitacións abondosas (1 500 mm anuais) e veráns secos.

Eleccións municipais

Artigo principal: Eleccións municipais en Tomiño.

Logo do Golpe de Estado do 18 de xullo de 1936 foi detido o alcalde Manuel Vicente Alonso. Foi condenado a morte, mais conmutóuselle a pena por cadea perpetua.

Desde o ano 2007 a alcaldesa do concello é Sandra González Álvarez, quen substituíu no cargo a José Luis Fernández Lorenzo (1983-2007).

Economía

É salientábel a agricultura tradicional e de novos cultivos (flor e kiwi), pesca fluvial (lamprea e meixón).

Patrimonio

• Igrexa de Santa María de Tomiño (século XII).
• Igrexa de San Salvador de Tebra (século XII).
• Torres de Goián (século XVII).

Centros educativos

• IES Antón Alonso Ríos.
• CEIP Pintor Antonio Fernández.
• CEIP de Sobrada.
• CEP Pedro Caselles Beltrán.
• CRA Mestre Manuel Garcés.
• CEIP de Tebra.
• CEIP de Barrantes.

Deportes

• Tomiño Fútbol Club (fútbol)

Tomiño na cultura popular

Na parroquia de Figueiró levántase o Santuario de San Campio de Lonxe (ou San Campio do Monte), ó que van as persoas que sospeitan padecer un mal de ollo. Para expulsar o meigallo deben ir, na romaría do santo, para dar nove voltas ó redor dos dous cruceiros que hai no adro da igrexa .

Recoñecementos

• 2015: Xuíz Honorario do Couto Mixto.

Galería de imaxes

Artigo principal: Galería de imaxes de Tomiño.

• 
  Igrexa de San Vicente de Barrantes

Lugares de Tomiño

Tomiño ten 134 lugares, agrupados en 15 parroquias. Para unha lista completa de todos os lugares do concello de Tomiño vexa: Lugares de Tomiño.

Véxase tamén

Bibliografía

• Fraguas Fraguas, Antón (1990). La Galicia insólita. Tradiciones gallegas. Cuadernos do Seminario de Sargadelos 51. Sada: Ediciós do Castro.