Transfeminismo

Un dos símbolos do transfeminismo.

O transfeminismo (etimoloxicamente, de trans- e feminismo, que estende ou transversaliza o feminismo) é unha corrente do feminismo que amplía os suxeitos do mesmo a outras persoas que tamén están oprimidas polo heteropatriarcado pero que non necesariamente han de ser ou sentirse mulleres.

Encádrase dentro dos denominados novos feminismos e ten unha grande influencia do activismo LGTB e a teoría queer, especialmente desde a visión transexual, transxénero e intersexual; así como de tendencias antirracistas e postcoloniais, e de movementos políticos que buscan a abolición da segregación social por motivo de pertenza a unha clase social, a unha etnia, a un xénero ou a unha orientación sexual.

O concepto de transfeminismo vai máis aló de obter a liberación da muller, senón que entende o propio concepto de xénero como unha construción que se utiliza como ferramenta de opresión. Trátase dun movemento de resistencia que entende o xénero como un sistema de poder que produce, controla e limita os corpos, para adaptalos á orde social establecido, pretendendo modificar, ampliar, alterar e transformar os códigos que rexen todas estas construcións sociais.

Véxase tamén

Outros artigos

• Capitalismo rosa
• Interseccionalidade
• Heteropatriarcado
• Teoría cuir
• Heteronormatividade
• Homonormatividade
• Identidade sexual