Tranvía de Ferrol
O tranvía de Ferrol foi un medio de transporte que estivo en activo entre 1924 e 1961, dando servizo non só á cidade de Ferrol senón tamén aos concellos de Narón e Neda.[1] A explotación deste servizo correspondeu á compañía Tranvías del Ferrol.[2]
Malia que o proxecto orixinal contemplaba conectar Ferrol coa vila de Neda mediante un tranvía eléctrico, ao comezo a liña que transcorría pola Estrada de Castela ía desde Porta Nova (actual Praza de España) só até o Portádego de Xuvia. Sería durante a década seguinte cando a liña fose ampliada até a vila de Neda e até o peirao de Curuxeiras, cruzando o barrio da Madalena.[3][4]
Contaba así o tranvía con dúas liñas:
| Liñas | Porta Nova - Peirao | Porta Nova - Neda |
|---|---|---|
| Paradas | Porta Nova | Porta Nova |
| Rochel (Cine Callao) | O Inferniño | |
| Igrexa | Faxardo | |
| Mercado | San Xoán | |
| Sagasta | A Gándara | |
| Costa de Mella | A Ferrolana | |
| Río Novo | O Alto do Castiñeiro | |
| Cuartel de Instrución | Freixeiro (cocheiras) | |
| Peirao de Curuxeiras | O Ponto | |
| A Revolta | ||
| Telleiras | ||
| Santa Rita | ||
| Portádego | ||
| Santa María de Neda | ||
| Concello de Neda |
Proxectos de recuperación
[editar | editar a fonte]No ano 2003 o entón alcalde de Narón propuxo a súa recuperación no contexto da conversión da Estrada de Castela nun bulevar, máis a idea non chegou a máis.[5]
Xa no ano 2010 a compañía pública Feve propuxo a recuperación do tranvía na cidade mediante un sistema de tren-tram que empregaría o ramal de mercadorías do porto de Ferrol. Segundo este proxecto, apoiado polo entón alcalde Vicente Irisarri, a única liña sairía do ramal xunto as estacións de ferrocarril e autobuses, no barrio do Ensanche "A", até o porto de Curuxeiras en Ferrol Vello pasando deste xeito polo túnel que cruza a cidade e pola Malata.[6][7]
A liña tería catro estacións, a primeira delas onde as estacións; a segunda sería subterránea[8], no túnel que cruza os terreos do cuartel do Sánchez Aguilera; a terceira estaría situada na Malata e a última en Curuxeiras, no porto da cidade. O proxecto contemplaba a súa ampliación até a Praza de Galicia, no barrio da Madalena, así como a súa compaxinación cos trens de Proximidades. Finalmente o proxecto non veu a luz.
No ano 2019, no contexto das eleccións municipais, o candidato popular á alcaldía de Narón propuxo a creación do primeiro metro lixeiro de Galicia coa colaboración de Adif e Renfe, empregando a liña de vía estreita da antiga Feve para conectar Ferrol e Narón, e a de ancho ibérico para conectar Ferrol, Narón, Neda e Fene.[9]
Notas
[editar | editar a fonte]- ↑ "Tranvía de Ferrol á Neda". Ferrocarriles de España.
- ↑ "Spanish Railway » Blog Archive » Tranvías de Ferrol" (en castelán). Consultado o 2024-12-17.
- ↑ "En el centenario del tranvía de Ferrol a Neda". Diario de Ferrol (en castelán). Consultado o 2024-12-17.
- ↑ "Los 100 años del tranvía que unió Ferrol con Xuvia y llegó a cobrarse una vida". Diario de Ferrol (en castelán). Consultado o 2024-12-17.
- ↑ "El Concello estudia recuperar el tranvía en la carretera de Castilla". La Voz de Galicia (en castelán). 2004-04-17. Consultado o 2024-12-17.
- ↑ "Feve redacta el proyecto para crear una red de tranvía en Ferrol". La Voz de Galicia (en castelán). 2010-05-13. Consultado o 2024-12-17.
- ↑ "El Concello de Ferrol y Feve proyectan llevar el tren al puerto de Curuxeiras". La Voz de Galicia (en castelán). 2009-09-29. Consultado o 2024-12-17.
- ↑ "Una estación subterránea del tren de cercanías". La Voz de Galicia (en castelán). 2010-03-26. Consultado o 2024-12-17.
- ↑ "Castrillón arranca su campaña prometiendo para la comarca «el primer metro ligero de Galicia»". La Voz de Galicia (en castelán). 2019-03-02. Consultado o 2024-12-17.