Tristana Moraleja

Tristana Moraleja
	;
Biografía
Nacemento	17 de agosto de 1971 (53 anos); Lugo, España
Deputada de España
	Representa: Partido Popular; 3 de decembro de 2019 – ; Lexislatura: XIV lexislatura do Congreso de España ; Circunscrición electoral: Circunscrición electoral da Coruña ; Electa en: eleccións ao Congreso de España de novembro de 2019
Deputada de España
	8 de maio de 2019 – ; Lexislatura: XIII lexislatura de España ; Circunscrición electoral: Circunscrición electoral da Coruña ; Electa en: eleccións ao Congreso de España de abril de 2019
Deputada de España
	14 de xullo de 2016 – 5 de marzo de 2019 ; Lexislatura: XII lexislatura de España ; Circunscrición electoral: Circunscrición electoral da Coruña ; Electa en: Eleccións xerais de España de 2016
Deputada de España
	5 de decembro de 2011 – 27 de outubro de 2015 ; Lexislatura: X lexislatura de España ; Circunscrición electoral: Circunscrición electoral da Coruña ; Electa en: Eleccións Xerais 2011 en España
Datos persoais
Educación	Universidade de Alcalá
Actividade
Lugar de traballo	Madrid
Ocupación	política
Partido político	Partido Popular
Sitio web	tristanamoraleja.com

Tristana María Moraleja Gómez, nada en 1971 en Lugo, é unha política galega do Partido Popular de Galicia.

Traxectoria

Licenciada en Económicas pola Universidade de Alcalá, ten un mestrado en Administración financeira tributaria pola Universidade da Coruña. Comezou a traballar na Xunta de Galicia en 1999, onde ocupou postos relevantes nas consellerías de Familia, Economía e Facenda, Asuntos Sociais, Política Territorial ou Traballo. En 2000 pasou a traballar no departamento económico-financeiro do Porto da Coruña, ata que en 2003 aprobou as oposicións do grupo A e volveu á administración autonómica. En 2009 foi designada xefa territorial da Consellería de Economía e Industria da Xunta de Galicia na Provincia da Coruña. En 2011 presentouse ás eleccións locais no concello de Oleiros en postos do remate da lista, e uns meses máis tarde foi escollida nos postos de saída da lista do Partido Popular nas Eleccións ao Congreso dos Deputados, por onde resultou elixida.