Trolebús
Un trolebús[1] ou trole[2] é un autobús eléctrico, alimentado por unha catenaria de dous cables superiores desde os que toma a enerxía eléctrica mediante dúas hastas. Os trolebuses non usan vías especiais ou carrís na calzada, coma os tranvías, polo que resultan sistemas máis flexíbeis. Conta con pneumáticos de caucho en vez de rodas de aceiro en carrís.
Historia
[editar | editar a fonte]
O trolebús naceu o 29 de abril de 1882, cando Ernst Werner von Siemens fixo andar o seu Elektromote nun suburbio de Berlín, que funcionou ata o 13 de xuño do mesmo ano. A primeira liña experimental, desenvolvida por Lombard Gérin púxose en marcha para a Exposición Universal de París de 1900. Max Schiemann deu un salto decisivo cando o 10 de xullo de 1901 implantou a liña de trolebuses para transporte público en Bielathal, Alemaña.
O trolebús, como medio de transporte urbano a efectos prácticos, ten a súa orixe a principios do século XX nos Estados Unidos. En 1920 a compañía Brill de Philadelphia xa producía trolebuses, con grande aceptación por parte das compañías de transporte urbano, debido á gran semellanza da súa mecánica co tranvía e ao tendido aéreo, o que permitía ao persoal da compañía familiarizarse rapidamente co seu novo material.
Os trolebuses desenvolvéronse amplamente nos países de Europa Oriental e a Unión Soviética, onde se implantaron en case todas as cidades con máis de 200 000 habitantes.
Algunhas empresas de transporte público, comezando coa Brooklyn-Manhattan Transit Corporation (BMT) de Nova York, enunciaron o concepto all-four, é dicir, emprego de autobuses, trolebuses, tranvías e metros como un sistema integrado e complementario entre os sistemas máis lixeiros e os máis pesados. En especial os autobuses e os trolebuses consideráronse un sistema para percorridos curtos que complementaba outros sistemas de maior percorrido e máis rápidos, como o metro ou o tren lixeiro.
Esquema dun trolebús
[editar | editar a fonte]Esquema dun Pullman Standard 43-CX N.º 814, o trolebús máis antigo do mundo aínda en funcionamiento na cidade de Valparaíso, Chile.
|
|
Notas
[editar | editar a fonte]- ↑ Definicións no Dicionario da Real Academia Galega e no Portal das Palabras para trolebús.
- ↑ Definicións no Dicionario da Real Academia Galega e no Portal das Palabras para trole.
