Unió Esportiva Olot
| Olot | |||
|---|---|---|---|
| Nome | Unió Esportiva Olot | ||
| Fundación | 1921 (103 anos) | ||
| Estadio | Estadi Municipal d'Olot, Olot, Xirona, España | ||
| Capacidade | 5.000 | ||
| Presidente |  Joan Agustí | ||
| Adestrador | Arnau Sala | ||
| Liga | Segunda División B | ||
| 2012–13 | 1º (3ª - Grupo 5) | ||
| Na rede | |||
| http://www.ueolot.com/ | |||
    | |||
| |||
A Unió Esportiva Olot é un club de fútbol español da vila de Olot, na provincia de Xirona. Fundado en 1921, actualmente xoga na Segunda División B Española, logo de ascender por primeira vez na historia na tempada 2012/13.
Historia
[editar | editar a fonte]Antecedentes
[editar | editar a fonte]Foi ao redor do ano 1902 cando se empezou a practicar o fútbol en Olot grazas a Joaquim Peris de Vargas. O 18 de agosto de 1912, Josep Joaquim Sacrest, Alfred Batlló i Batlló, e Joan Capdevila i Corominas, industriais barceloneses de pensamento catalanista e relacionados cos Xogos Florais que veraneaban en Olot, fundaron o Olot Deportivo.[1] O mesmo ano 1912 apareceu o Sport Club Olotí,[2] promovido polo farmacéutico Antoni de Bolòs i Vayreda e vinculado ao Centro Católico. Era chamado o equipo dos carlinos.
No ano 1916 os dous clubs de fútbol desapareceran. No seu lugar apareceron os clubs Sporting Club e Renaixement Sportiu. En 1919 construíuse un campo novo no Casal Marià e os dous clubs fusionáronse para formar a Agrupació Sport Olot.[3]
Olot FC
[editar | editar a fonte]A UE Olot créase o 14 de maio de 1922 co nome de Olot Futbol Club, xusto antes da ditadura de Primo de Rivera. O primeiro campo que tivo o club foi o Camp de l'Estació. Nos seus primeiros anos xogou nas categorías provinciais e en xeral, os resultados non foron bos. O club empeza unha boa relación co RCD Espanyol de Barcelona, que se alargou ata a década de 1960.
UE Olot
[editar | editar a fonte]A Guerra Civil Española paraliza os campionatos de fútbol, e o ano 1939, logo da guerra, o equipo pasa a chamarse Unión Deportiva Olot para intentar engadir seccións deportivas á entidade, a parte do fútbol. Durante o goberno de Franco o club a cambia as súas cores (dos azulgrana ao branco) e a incorporar a bandeira española ao fondo do escudo. Durante esta época o Olot empeza a conseguir resultados e algúns ascensos importantes. Na tempada 1946-47 celébrase o 25º aniversario do club. A tempada 1956-57, debido á reestruturación de categorías, o equipo pode xogar, por primeira vez, a Terceira División Española, e o equipo abandona a cor branca polo vermello na camiseta e o azul no pantalón. Faise moi boa tempada e conséguese xogar a promoción de ascenso a Segunda División contra o Club Esportiu Europa, pero non se consegue o ascenso. Durante a década de 1990 o club, xa co nome actual Unió Esportiva Olot, empeza a súa decadencia e pasa de xogar na Terceira División a tempada 1993-94, a Primeira Rexional na tempada 2004-05.
A tempada 2008-09 o club consegue o ascenso de Primeira Rexional a Preferente Territorial, consolidando un proxecto que ten o obxectivo de recuperar as categorías perdidas e potenciar o fútbol base. A tempada 2009-10 empézase nas instalacións da entidade, a escola de tecnificación do FC Barcelona destinada ás comarcas da Garrotxa e o Ripollès. Esta tempada, o equipo queda en segunda posición de Preferente Territorial, e supera a promoción de ascenso a Primera Catalana logo de superar á Unió Atlètica d'Horta por 2-0 na ida en Olot e empatar a 0 no barrio de Horta barcelonés.[4] A tempada seguinte, o equipo consegue o ascenso á Terceira División Española.[5]
Logo dun primeiro curso que finaliza coa décima posición, as fichaxes de homes como Uri Santos ou Carlos Martínez levan ao Olot a ser campión do grupo catalán de Terceira na tempada 2012-2013, con Julio Bañuelos no banquiño, que substituíu a Antonio Rodríguez, 'Rodri'. O adestrador marcha en decembro, para ser segundo de Raúl Agné en Cádiz, e Alex Terma, secretario técnico, fai de ponte entre a marcha de Rodri (9 de decembro de 2012) e a chegada de Bañuelos (xaneiro de 2013). Na fase de ascenso e logo de non superar a eliminatoria de campións, xoga dúas fases máis para acabar conseguindo o seu primeiro ascenso a Segunda B contra a Arandina.
Uniforme
[editar | editar a fonte]- Uniforme titular: Camiseta vermella con franxas negras, pantalón negro e medias vermellas.
- Uniforme alternativo: Camiseta negra, pantalón negro e medias vermellas.
Datos do club
[editar | editar a fonte]Palmarés
[editar | editar a fonte]Notas
[editar | editar a fonte]- ↑ Hemeroteca Mundo Deportivo. 9 de maio de 1912
- ↑ El Fusell, edición do 5 de setembro de 1914[Ligazón morta]
- ↑ "Els inicis del futbol a Olot". Arquivado dende o orixinal o 24 de xuño de 2012. Consultado o 07 de xullo de 2013.
- ↑ El Olot hace valer su veteranía y sube de nuevo de categoría Arquivado 03 de febreiro de 2014 en Wayback Machine., Mundo Deportivo (14 de xuño de 2010)
- ↑ L'Olot torna a ser equip de Tercera, Diari de Girona (16 de maio de 2011)