Uncinula

Uncinula é un xénero de fungos da familia das erisifáceas.

As súas especies son patóxenos vexetais que causan enfermidades en varios hospedeiros.

Características

O xénero caracterízase polo seu escuro casmotecio (órgano que produce os ascos e as ascósporas) que leva aparellos filamentosos e hialinos con puntas rematadas en ganchos.

Describíronse máis de cen especies a partir de diversos hospedeiros, maioritariamente dicotiledóneas. Braun e Takamatsu (2000) suxeriron que Uncinula debería considerarse un sinónimo de Erysiphe, aínda que non todos os investigadores posteriores aceptaron as súas conclusións.

Unha notoria especie do xénero, Uncinula necator (sinónimo Erysiphe necator), ataca a varias especies de vides (Vitis spp.) e pode causar perdas de rendemento nas uvas europeas.

Outras especies de Uncinula atacan unha gran variedade de plantas dicotiledóneas.

Taxonomía

Folla de Vitis vinifera infestada por Uncinula necator.

Descrición

O xénero foi descrito en 1851 polo médico e micólogo francés Joseph-Henri Léveillé, nun traballo publicado en Annales des Sciences Naturelles Botanique 15: 151.

Especies

Na actualidade recoñécense no xénero as seguintes especies:

• Uncinula bicornis
• Uncinula macrospora
• Uncinula necator
• Uncinula tulasnei

Filoxenia

Cladograma das relacións filoxenéticas das erisifáceas::

Erysiphaceae	Uncinula   Uncinula adunca     Erysiphe necator (= Uncinula necator)     Erysiphe prunastri (= Uncinula prunastri)       Arthrocladiella     Blumeria     Erysiphe     Microsphaera     Phyllactinia     Podosphaera     Sawadaea     Sphaerotheca

Véxase tamén

Outros artigos

• Oídio da vide

Ligazóns externas

• Uncinula en Species Fungorum.
• Uncinula na EOL.