Unidades de viscosidade

Para as dúas clases de viscosidade, a viscosidade dinámica e a viscosidade cinemática, úsanse cadansúa unidade.

Viscosidade dinámica, ou absoluta

No Sistema Internacional de Unidades (SI), a unidade física de viscosidade dinámica é o pascal-segundo (Pa·s), que corresponde exactamente a 1 N·s/m² ou 1 kg/(m·s).

A unidade Sistema CGS para a viscosidade dinámica é o poise (1 poise (P) ≡ 1g·(s·cm)⁻¹ ≡ 1 dina·s·cm⁻² ≡ 0,1 Pa·s), cuxo nome homenaxea ao fisiólogo francés Jean Léonard Marie Poiseuille (1799-1869).

Adóitase usar máis un submúltiplo, o centipoise (cP). O centipoise úsase máis debido a que a auga ten unha viscosidade de 1,0020 cP a 20 °C.

1 poise = 100 centipoise = 1 g/(cm·s) = 0,1 Pa·s.

1 centipoise = 10^-3 Pa·s.

No Sistema imperial (Sistema anglosaxón de unidades), o Reyn foi nomeado sn honor de Osborne Reynolds:

1 Reyn = 1 lb f • s • in^-2 = 6,89476 × 10⁶ cP = 6890 Pa × s

O poiseuille

En Francia intentouse establecer a unidade poiseuille (Pl) como nome para o Pa·s, sen éxito internacional.

Nota: non se debe confundir o poiseuille co poise, chamado así pola mesma persoa.

Viscosidade cinemática

A viscosidade cinemática obtense como cociente entre a viscosidade dinámica (ou absoluta) e a densidade. A unidade no SI é o (m²/s).

A unidade física da viscosidad cinemática no Sistema CGS é o stoke (abreviado S ou St), cuxo nome provén do físico irlandés George Gabriel Stokes (1819-1903). Ás veces exprésase en termos de centistokes (cS ou cSt).

1 stoke = 100 centistokes = 1 cm²/s = 0,0001  m²/s

1 cSt = 10^-6 m²/s.

Véxase tamén

Outros artigos

• Viscosidade

Ligazóns externas

• Lenntech.com (conversor de unidades).
• Widman.biz (graficador de viscosidades).
• Widman.biz (conversión entre cSt, SUS, Redwood e Engler).