Voltairine de Cleyre

Voltairine de Cleyre

Biografía
Nacemento	17 de novembro de 1866 Leslie, Estados Unidos de América (pt)
Morte	20 de xuño de 1912 (45 anos) Chicago, Estados Unidos de América
Causa da morte	meninxite
Lugar de sepultura	Haymarket Martyrs' Monument (en) 41°52′12″N 87°49′11″O
Ideoloxía política	Anarquismo e anarquismo sem adjetivos (pt)
Relixión	Ateísmo
Actividade
Campo de traballo	Poesía, ensaio, anarquismo e feminismo
Ocupación	escritora, anarquista, activista pola paz, filósofa, activista polos dereitos das mulleres, ensaísta, xornalista, poetisa, feminista
Obra
Arquivos en	YIVO (pt)
Familia
Parella	Dyer Lum
Descrito pola fonte	Lexikon der Anarchie Obálky knih, Biographical Dictionary of the American Left (en)

Voltairine de Cleyre en 1891.

Voltairine de Cleyre, nada en Leslie (Míchigan) o 17 de novembro de 1866 e finada en Chicago (Illinois) o 6 de xuño de 1912, foi unha escritora anarquista e feminista estadounidense.

Traxectoria

Nada nunha familia de orixe francesa, filla de Auguste de Cleyre, librepensador e grande admirador de Voltaire. A partir de 1880 verase fortemente influenciada por Thomas Paine e sobre todo por Mary Wollstonecraft, así como por Henry David Thoreau, Big Bill Haywood, Clarence Darrow, e máis tarde por Eugene Debs. Tras os sucesos de Haymarket do verán de 1886, decántase cara ao anarquismo, colaborando con Benjamin R. Tucker no seu xornal "Liberty". O 12 de xuño de 1890 ten un fillo, Harry, procreado co librepensador James B. Elliot.

No seu ensaio de 1894, In Defense of Emma Goldman and the Right of Expropriation (en galego, En defensa de Emma Goldman e do dereito de expropiación), identifícase xa co anarcoindividualismo: "Miss Goldman é comunista e eu son individualista. Ela desexa abolir o dereito á propiedade mentres que eu desexo mantelo", a pesar de que nalgúns textos posteriores rexeitarao, desprazándose cara ao comunismo libertario. Voltairine de Cleyre seguiu sendo individualista no filosófico mais deixou a proximidade do librecambismo libertario para abrazar o comunismo libre no económico.

O seu ensaio Sex Slavery (en galego, A escravitude sexual), publicado postumamente en 1914, constitúe unha condena ás ideas de beleza feminina do momento. O título do ensaio non se refierte á prostitución, aínda que tamén este tema é tratado, senón sobre todo ás leis sobre o matrimonio que "permiten aos homes a violar as súas esposas sen consecuencias".

Bibliografía

• The Drama of the Nineteenth Century (1889).
• In Defense of Emma Goldmann [sic] and the Right of Expropriation (1894).
• The Past and Future of the Ladies' Liberal League (1895).
• The Gods And The People (1898?).
• The Worm Turns (1900).
• Det Anarkistiske Ideal (1903).
• Crime and Punishment (1903).
• McKinley's Assassination from the Anarchist Standpoint (1907).
• Anarchism and American Traditions (1909).
• The Dominant Idea (1910).
• Direct Action (1912).
• Selected Works of Voltairine de Cleyre (1914).
• Selected Stories (1916).

Véxase tamén

Ligazóns externas

• Acción directa, edición dixital de Direct Action (en castelán).