Voo 60 de All Nippon Airways
| Voo 60 de All Nippon Airways | |
|---|---|
_JP6862123.jpg) Boeing 727 semellante ao do accidente
| |
| Resumo | |
| Data | 4 de febreiro de 1966 |
| Causa | voo controlado contra o terreo |
| Lugar | baía de Toquio |
| Coordenadas | |
| Orixe | aeroporto de Chitose |
| Destino | aeroporto de Haneda |
| Finados | 133 |
| Aeronave | |
| Tipo de aeronave | Boeing 727-81 |
| Operador | All Nippon Airways |
| Rexistro | JA8302 |
| Pasaxeiros | 126 |
| Tripulación | 7 |
| Superviventes | 0 |
O voo 60 de All Nippon Airways foi un Boeing 727-81 que realizaba un servizo doméstico entre o aeroporto de Chitose en Sapporo e o aeroporto de Haneda en Toquio. O 4 de febreiro de 1966 as 133 persoas a bordo do avión morreron cando o aparello esnafrouse misteriosamente ba baía de Toquio a uns 10,4 km de Haneda cun tempo despexado mentres se aproximaba ao aeroporto. Na época tratouse do peor accidente de aviación cun único avión implicado.
Pasaxeiros e tripulación
[editar | editar a fonte]O avión levaba 126 pasaxeiros e unha tripulación de 7 persoas. A meirande parte dos pasaxeiros regresaban do anual Festival da neve de Sapporo, a 600 millas ao norte de Toquio.
Accidente
[editar | editar a fonte]Voando con bo tempo, o voo 60 estaba a tan só uns poucos minutos do aeroporto de Haneda cando o seu piloto radiou que aterraría visualmente, sen instrumentos. Posteriormente o avión desapareceu dos radares.
Habitantes da costa e o piloto doutro avión dixeron que viron chamas no ceo ao redor das 7 p.m., o momento no que o aparello tiña que aterrar. Despois pescadores e barcos da Forza de Defensa do Xapón comezaron a recoller corpos das turbias augas da baía. Recolleran uns 20 corpos cando un portavoz da aeroliña anunciou que se atopara a fuselaxe con ducias de corpos dentro. Dixo que crían que todos os ocupantes estaban mortos. Os ganchos de carga dun barco da Garda Costeira levantaron os restos.[1]
A cola do aparello, incluídos polos menos dous dos tres motores, o estabilizador vertical e o estabilizador vertical recuperáronse case intactos. O resto do aparello desintegrouse durante o impacto. Os 133 mortos converteron o accidente no peor cun único avión implicado da época, ademais de ser o segundo peor en xeral detrás da colisión de 1960 en Nova York. A causa do accidente nunca foi determinada.
Serie de accidentes
[editar | editar a fonte]Este accidente foi un dunha serie de cinco accidentes aéreos fatais (catro comerciais e un militar) ocorridos no Xapón en 1966. Un mes despois do accidente do voo 60 de ANA, o voo 402 de Canadian Pacific Air Lines, un Douglas DC-8, chocou coas uces de aproximación e un malecón en Haneda, morrendo 64 dos seus 72 oocupantes. Menos de 24 horas despois, o voo 911 de BOAC, un Boeing 707, foi fotografado mentres rodaba ao lado dos restos aínda ardentes do avión canadense, e despois rompeuse en voo pouco despois de engalar mentres sobrevoaba o monte Fuji debido a unha turbulencia de aire claro, matando aos 124 pasaxeiros e tripulantes. O 26 de agosto esnafrouse un Convair 880-22M de Japan Air Lines e cinco persoas morreron. Finalmente, o voo 533 de All Nippon Airways esnafrouse e matou a 50 persoas o 13 de novembro. O efecto combinado destes cinco accidentes sacudiu a confianza do público na aviación comercial no Xapón, e tanto Japan Airlines como All Nippon Airways víronse forzadas a reducir algúns servizos domésticos debido á baixada da demanda[2]
