Xesús Méndez Padín

Xesús Méndez Padín

Biografía
Nacemento	13 de decembro de 1965 (58 anos) Vilalonga, España
Actividade
Ocupación	escultor, canteiro, pintor
Xénero artístico	Clasicismo e arte figurativa
Movemento	Clasicismo
Profesores	Manolo Paz e Rogelio Lorenzo
Páxina web	escultorpadin.blogspot.com.es

Xesús M. Méndez Padín nado en Vilalonga (Sanxenxo) o 13 de decembro de 1965, é un escultor e pintor galego.

Traxectoria

En 1979 tivo o seu primeiro contacto co mundo da pedra aínda que nestes primeiros anos, e de forma simultánea, estaba máis centrado na pintura da man de Roxelio Lorenzo. Pero foi o escultor cambadés Manolo Paz quen lle ensinou o oficio de canteiro e o iniciou no mundo da escultura. Desde 1988 compaxina a súa produción artística coa súa actividade como profesor de cantería e modelaxe en diversos centros de formación. Foi docente na Escola de Canteiros de Poio entre 1995 e 2006.

Monumento ó poeta Acuña (2000). Paseo San Roque na Pobra de Trives.

Nas súas obras utiliza diversos materiais como o granito, mármore, calcaria, madeira ou mesmo chumbo. O seu estilo, tanto na súa escultura como na súa pintura ou debuxos, pódese definir como clasicista. As súas obras están inspiradas en personaxes históricos ou mitolóxicos, e sempre semellan estar durmidas.

Museos e coleccións que teñen obra súa

• Museo Europeo de Arte Moderna (MEAM) en Barcelona.
• Multiúsos da Xunqueira en Redondela.
• Diversas coleccións particulares no Reino Unido, Alemaña e España.

Obra Pública

• Monumento a Ofelia Nieto (2000) Xardins da Calzada, Sevilla.
• Monumento ó poeta Acuña (2000) Paseo San Roque, A Pobra de Trives.
• Homenaxe ó voluntario (2003) Paseo Rafael Pico, Portonovo.

Véxase tamén

Ligazóns externas

• Xesús Méndez Padín Blog persoal (en inglés) (en galego).