Yelena Isinbayeva

Yelena Isinbayeva

Biografía
Nacemento	3 de xuño de 1982 (42 anos) Volgogrado, Rusia
Membro do Comité Olímpico Internacional
Representa: Rusia 2016 –
Datos persoais
Educación	Volgograd State Academy of Physical Culture (en) (–2010)
Altura	174 cm
Peso	65 kg
Actividade
Ocupación	saltador con pértega, atleta, funcionaria deportivo
Período de actividade	1998 -
Membro de	Comité Olímpico Internacional (2016–)
Carreira militar
Lealdade	Rusia
Rango militar	Comandante
Nacionalidade deportiva	Rusia
Deporte	atletismo
Disciplina deportiva	Salto con pértega
Adestrado por	Yevgeny Trofimov (en) Vitaly Petrov (pt)
Traxectoria   Equipo Competición -   CSKA Moscow
Participou en
2012	Xogos Olímpicos de 2012
2008	Xogos Olímpicos de 2008
2004	Xogos Olímpicos de 2004
2000	Xogos Olímpicos de 2000
Premios
(2009)  Premio Princesa de Asturias dos Deportes (2007)  Laureus World Sports Awards de Atleta feminina do ano (pt)  Orde da Honra  Medal for services in conducting the population census (en)  Medal of the Order "For Merit to the Fatherland", 2nd class (en)  Orde por Servizos á Patria de cuarto grao  honorary citizen of Donetsk Oblast (en)
Sitio web	yelena-isinbaeva.com

Isinbáyeva durante o Campuinato Mundial de Atletismo 2009 en Berlín.

Yelena Gadzhiyevna Isinbayeva (en ruso: Елена Гаджиевна Исинбаева), nada en Volgogrado o 3 de xuño de 1982 é unha ex-atleta rusa, especializada en salto con pértega, campioa olímpica, do mundo e europea desta proba. Bateu a marca mundial de salto con pértega feminino nun total de 28 ocasións, 15 ao aire libre e 13 en pista cuberta.

Traxectoria

Tras chegar ao máis alto na súa especialidade e bater a marca do mundo en varias ocasións, saltando máis de 5 metros no ano 2005 e dominando a proba sen dar opción ás súas rivais, o seu progreso sufriu un estancamento. Isinbayeva seguía gañando con suficiencia, mais pasou unha crise de resultados. Nese tempo cambiou de adestrador para poñerse ás ordes de Vasili Petrov, que levou ao éxito a Sergei Bubka. Isinbayeva volveu superar de novo o récord do mundo en tres ocasións no ano 2008, deixando a marca mundial en 5,05 metros nos Xogos Olímpicos de Pequín. Máis dun ano despois, o 28 de agosto de 2009, Isinbayeva superou de novo a súa marca na reunión de Zúric, situando o listón a 5,06 metros do chan. O seu adestrador afirmou que podía chegar a saltar 5,15 ou 5,20 metros.

No Mundial de Berlín quedou eliminada ao iniciar a competición en 4,75, altura en que derribou o listón. Logo optou por pasar aos 4,80 e fixo dous nulos, polo que caeu e provocou a primeira gran sorpresa da competición. O último récord foi o 23 de febreiro de 2012 en Estocolmo ao establecer unha nova marca en pista cuberta cun salto de 5,01 metros. Nos Xogos Olímpicos de Londres 2012, tivo que conformarse coa medalla de bronce cunha marca de 4,70 metros detrás da estadounidense Jennifer Suhr e a cubana Yarisley Silva.

O 3 de marzo de 2013 cedeu o récord en pista cuberta logrado en Estocolmo a Suhr, que a superou cun salto de 5,02 metros nos campionatos dos Estados Unidos, que se disputaron en Albuquerque. O 13 de agosto de 2013, nos mundiais de atletismo celebrados en Moscova, Isinbayeva retirouse da competición tras gañar o ouro logrando o seu mellor salto da temporada con 4,89 metros.

Galardones

A IAAF elixiuna como a mellor atleta do ano en 2004, 2005 e 2008.

En 2007 e 2009 recibiu o Premio Laureus á mellor deportista feminina do ano.

O 2 de setembro de 2009 outorgóuselle o Premio Príncipe de Asturias dos Deportes.

Véxase tamén

Ligazóns externas

• Páxina oficialArquivado 08 de maio de 2019 en Wayback Machine.
• Ficha de Yelena IsinbayevaArquivado 03 de febreiro de 2013 en Wayback Machine. na IAAF
• Premio Príncipe de Asturias de Deportes 2009 Arquivado 24 de setembro de 2019 en Wayback Machine.