Yulenmis Aguilar
| Biografía | |
|---|---|
| Nacemento | 3 de agosto de 1996  (28 anos)Guisa, Cuba |
| Datos persoais | |
| País de nacionalidade | España (2024–) Cuba |
| Actividade | |
| Ocupación | lanzadora de xavelina |
| Nacionalidade deportiva | Cuba (–2024) España (2024–) |
| Deporte | atletismo |
| Disciplina deportiva | Lanzamento de xavelina |
| Participou en | |
| 2016 | Atletismo nos Jogos Olímpicos de Verão de 2016 (pt)  |
 | |
Yulenmis Aguilar Martínez, nada en Bayamo o 3 de agosto de 1996, é unha atleta galego-cubana, especializada en lanzamento de xavelina.[1] Foi campioa de España absoluta, participou nos Xogos Olímpicos de 2016 e 2020 e ostenta o récord mundial sub-20.
Traxectoria
[editar | editar a fonte]Comezou a destacar de nova no lanzamento de xavelina e en 2013 conseguiu a medalla de prata no Campionato Mundial de Atletismo Sub-18 celebrado en Donetsk, só por detrás da australiana Mackenzie Little.[2] Ese mesmo ano foi unha das representantes de Cuba no Campionato Panamericano Júnior, onde sumou unha nova prata.
En 2015 gañou a medalla de ouro nos Xogos Panamericanos Júnior celebrados en Edmonton, lanzando a xavelina a 63,86 metros, o que lle valeu ademais o récord mundial sub-20, aínda vixente.[3] Ese mesmo ano foi sexta nos Xogos Panamericanos absolutos e participou no Campionato do Mundo de Pequín, onde non se clasificou para a final.[1]
No ano 2016 participou nos seus primeiros Xogos Olímpicos, no Río de Xaneiro, onde rematou na 29ª praza, con 54.94 m como mellor lanzamento. En 2018 obtivo un bronce nos Xogos Centroamericanos e do Caribe, pero a súa baixada de rendemento provocou que non volvese ser convocada pola selección cubana.[1]
A finais de 2020 instalouse en Oleiros e entrou a formar parte da Escola de Lanzadores da Coruña, onde comezou a ser adestrada por Raimundo Fernández.[1] No Campionato de España de 2022, no que participou fóra de competición, logrou a súa mellor marca persoal: 64,17 metros.[1]
En abril de 2024 adquiriu a nacionalidade española e pouco despois recibiu o permiso de World Athletics para participar en competicións internacionais co seu novo país.[4][5][6] A súa primeira competición como española foi o Campionato de Europa dese mesmo ano, onde competiu cun arrefriado, sen conseguir pasar á final.[7] Poucas semanas despois logrou o seu primeiro título de campioa de España, grazas a un lanzamento de 59,85 metros.[8]
Nos Xogos Olímpicos de 2024 logrou o pase á final cun lanzamento de 61,95 metros e nesta obtivo a sexta praza e un diploma olímpico, grazas a un lanzamento de 62,78 m.[9][10]
Vida persoal
[editar | editar a fonte]Casou no verán de 2023 en Santa Clara cunha muller cubana.[11]
Notas
[editar | editar a fonte]- ↑ 1,0 1,1 1,2 1,3 1,4 "El Gobierno nacionaliza a la atleta Yulenmis Aguilar, opción de medalla en los Juegos Olímpicos de París 2024" (en castelán). 9 de abril de 2024. Consultado o 30 de xullo de 2024.
- ↑ "Donetsk 2013: Aguilar y Mena suman las primeras medallas para Cuba" (en castelán). 11 de xullo de 2013. Consultado o 30 de xullo de 2024.
- ↑ "World U20 Records". Asociación Internacional de Federacións de Atletismo (en inglés). Consultado o 30 de xullo de 2024.
- ↑ "España nacionaliza a Yulenmis Aguilar, la actual líder mundial del año en lanzamiento de jabalina" (en castelán). 8 de abril de 2024. Consultado o 30 de xullo de 2024.
- ↑ "Yulenmis Aguilar podrá competir con España en los Europeos de Roma". As. 30 de xullo de 2024. Consultado o 30 de xullo de 2024.
- ↑ Arribas, Carlos (11 de abril de 2024). "Yulenmis Aguilar: España encuentra en Cuba una atleta de talla mundial". El País. Consultado o 13 de abril de 2024.
- ↑ Campos, Tomás (30 de xullo de 2024). "Batacazo y lágrimas de Yulenmis Aguilar en su estreno como española en la calificación de la jabalina". Marca (en castelán). Consultado o 30 de xullo de 2024.
- ↑ "Yulenmis Aguilar consigue su primer título de campeona de España en jabalina". La Voz de Galicia (en castelán). 30 de xuño de 2024. Consultado o 30 de xullo de 2024.
- ↑ "Yulenmis Aguilar estará en una final en la que buscará récord de España". La Voz de Galicia (en castelán). 8 de agosto de 2024. Consultado o 13 de agosto de 2024.
- ↑ "Diploma olímpico para Yulenmis Aguilar, sexta na final de xavelina". 10 de agosto de 2024. Consultado o 13 de agosto de 2024.
- ↑ Arribas, Carlos (10 de abril de 2024). "Yulenmis Aguilar: España encuentra en Cuba una atleta de talla mundial". El País (en castelán). Consultado o 13 de agosto de 2024.
| Control de autoridades |
|
|---|
